فاروق آباد: سابق ایم این اے خان محمود اکبر خان کے صاحبزادے اور امیدوار حلقہ این اے 134 خان شیر اکبر خان نے کہا ہے کہ نااہل لوگ اقتدار میں آچکے ہیں جس کی وجہ سے حلقہ این اے 134کے عوام بے چارگی کی زندگی گذار نے پر مجبور ہیں ووٹ لینے والے صاحب اقتدار آج اس طرح غائب ہیں جیسے گدھے کے سر سے سینگ اور سائل اپنے مسائل کے حل کیلئے در بدر خوار ہو رہے ہیں شہر فاروق آباد کے لوگ اب پچھتانے پر مجبور ہیں اور بد دعائیں دے رہے ہیں ،لوگوں کی کروڑوں روپے کی جائیدادوں کو برباد کر رکھ دیاگیا ہے اور انہیں متبادل جگہ بھی نہیں دی جارہی جس کا مجھے انتہائی دکھ ہے اور میں اہلیان فاروق آباد کے دکھ میں برابر کا شریک ہوں خان شیر اکبر خان نے مزید کہا کہ الیکشن میں کیئے گئے وعدے دھرے کے درھرے رہ چکے ہیں اور حلقہ این اے 134کے عوام دکھ بھری نگاہوں سے کسی مسیحا کی تلاش میں ہیں انہوں کہا کہ لوگوں کو دھوکا دیا گیا ہے اور جعلی مینڈٹ حاصل کرنے والے عوام کے مسائل حل کرنے کی صلاحیت ہی نہیں رکھتا وہ عوام کی خدمت کسی طرح کریں گے اور انشا ء اللہ آئندہ الیکشن میں انہیں منہ کی کھانا پڑے کی اور علاقہ کے لوگ ان کو باہر نکال پھینکیں گے ۔
