فاروق آباد :بچوں کے کھیلنے کیلئے چھاپے جانے والے جعلی نوٹوں پر بابائے قوم قائد اعظم محمد علی جناح ؒ کی تصویر کی اشاعت پر پابندی عائید کی جائے ،سیاسی سماجی تنظیموں کا اعلیٰ حکام سے مطالبہ۔ گلیوں بازاروں میں قائم منی جنرل سٹور ز پر کمسن بچوں کے کھیلنے کیلئے پاکستانی کرنسی کے مختلف نوٹ چھوٹے چھوٹے سائزوں میں پرنٹ کرکے فروخت کیئے جاتے ہیں کمسن بچے بڑے شوق سے ان جعلی نوٹوں کو ہوا میں اڑا/اچھال کر لطف اندوز ہوتے ہیں۔ بابائے قوم قائد اعظم محمد علی جناح ؒ کے عکس /پرنٹڈیہ کاغذ لوگوں کے پاؤں میںآکر اور نالی کوچوں میں بے حرمتی کا باعث بنتے ہیں۔ انتظامی امور کے درجنوں محکمے ہونے کے باوجودحکومتی بے حسی ہے کہ قوانین ہونے کے باوجود ان پر اس وقت تک عمل درآمد نہیں ہوتا جب تک کوئی اعلیٰ بیوروکریٹ آرڈر جاری نہیں کرتا یا عوام احتجا ج نہیں کرتی۔ فاروق آباد کی سیاسی سماجی تنظیموں اور پاکستان محمد ی پارٹی کے سربراہ مہربان سائیں عبدالغفور میاں نے وزیر اعظم پاکستان میاں نواز شریف اور وزیر اعلیٰ پنجاب سے تحریری درخواست میں مطالبہ کیا ہے کہ ایسے گھناؤنے کاروبار میں ملوث افراد، پریس مالکان اور دوکانداروں کے خلاف مقدمات درج کیئے جائیں جو ہمارے محسن عظیم قائد اعظم محمد علی جناح ؒ کی تصاویر کی بے حرمتی میں ملوث ہیں اور مستقل پابندی عائید کی جائے کہ کسی لاٹری اور گلیوں بازاروں میں فروخت ہونے والے کھلونوں پر قائد اعظم محمد جناح ؒ اور دیگر قائدشخصیات کی تصاویر شائع نہ کی جائیں ۔
