فاروق آباد : سوہنا آیا تے سج گئے گلیاں بازار ،جشن عید میلاد النبی ﷺ کی تیاریاں شروع،عشق نبی کے متوالے نوجوانوں نے آمد ربیع الا ول شریف کی خوشی میں اسلامک ریسرچ سنٹر فاروق آباداور مرکزی ماں فاﺅنڈیشن آف پاکستان کے زیر اہتمام ریلی نکالی گئی ریلی میں شریک نوجوان ،بوڑھے اور بچوں نے سبز پرچم اٹھا رکھے تھے اور جس پر حضور ﷺ کی آمد مرحبا مرحبا کے نعرے رقم تھے نوجوانوں نے یکم ر بیع الا ول سے ہی گلیاں بازار سجانے کا عمل شرو ع کردیا ہے اور برقی قمقمے ،لائٹس اور سجاوٹی پھولوں سے گلیاں سجائی جارہی ہیں مین چراہوں اور چوکوں کو خاص طور پر فلیکس سائن لگا کر خوبصورت کیا جارہا ہے صدر ماں فاﺅنڈیشن آف پاکستان سیٹھ افتخار احمد نے کہا کہ نبی کریم ﷺ کے یوم ولادت کو حقیقی شان شوکت کے ساتھ منایا جائے گاہر وہ مسلمان جو آپ ﷺ سے محبت رکھتا ہے جشن کی تقریبات میں شریک ہے اور شہر میں ہونے والی تمام جشن میلاد النبی ﷺ کی تقریبات کی سرپرستی کی جائے گی ۔
