فاروق آباد : فاروق آباد میں بڑھتی ہوئی چوری ڈکیتی کی وارداتوں کے باعث شہری عدم تحفظ کا شکار ہونے لگے،دن دیہاڑے ڈکیتی کی وارداتوں میں شہریوں کو ڈاکو لوٹ رہے ہیں جس سے انتظامیہ کی کارکردگی پر سوالیہ نشان پیداہو چکا ہے ،ڈاکو ،چور دندناتے پھر رہے ہیں اور ا ن کو کوئی پوچھنے والا نہیں ،ایس ایچ او سٹی فاروق آباد گشت نہیں کرتے اور نہ ہی سائلوں کے مسائل حل کرتے ہیں سائل تھانہ کے چکر لگا لگا کر بلآخر خاموشی اختیار کرلیتے ہیں۔ شہریوں کی اعلیٰ حکام سے اصلاح واحوال کی اپیل ۔بتایا گیا ہے کہ گذشتہ کئی ہفتوں سے شہر فاروق آباد میں ڈکیتی چوری کی وارداتوں میں تیزی آچکی ہے محلہ شاہ آباد میں مختار نامی دوکاندار کے گھر ڈکیتی کی واردات میں آتشیں اسلحہ سے لیس ڈاکوؤں نے لاکھوں روپے لوٹ لیئے ،ڈکیتی کی دوسری واردات میں 4کس نامعلوم موٹر سائیکل سوار ڈاکوؤں نے گورونانک پورہ بس سٹاپ پر واقع موبائل شاپ پر شام7بجے ڈکیتی کی واردات کیلئے آئے شدید ہوائی فائرنگ کی جس سے علاقہ بھر میں خوف وہراس پیدا ہوگیا ڈاکوؤں نے موبائل شاپ سے ایک لاکھ دس ہزار روپے نقدی چھین کر فرا ر ہوگئے ڈکیتی کی تیسری واردات اپروچ روڈ پر واقع ڈیپارٹمنٹ پر سٹور پر ہوئی جس میں موٹر سائیکل سوار تین ڈاکوؤں نے گن پوائنٹ پر ایک لاکھ 25ہزا رروپے اور 8عدد موبائل فون چھین لئے اور فرار ہوگئے اسی طرح گورونانک پورہ گلی کے اندر میاں موبائل شا پ کے مالک کی موٹر سائیکل کھڑی تھی نامعلوم چور چرا کر فرار ہوگئے واقع کی اطلاع تھانہ سٹی فاروق آباد میں دی گئی لیکن تاحال ابھی تک ایس ایچ او سٹی فاروق آباد نے مقدمہ درج نہیں کیا اور نہ ہی شہری کی دادرسی کی شہریوں کا کہنا ہے کہ ،ایس ایچ او سٹی فاروق آباد گشت نہیں کرتے اور نہ ہی سائلوں کے مسائل حل کرتے ہیں بلکہ اپنے کمرے میں سردی انجوائے کرتے ہیں چوری ڈکیتی کی بڑھتی وارداتوں کے باعث شہریوں نے وزیر اعلیٰ پنجاب میاں شہباز شریف ،آئی جی پنجاب ،ڈی آئی جی شیخوپورہ رینج اور ڈی پی او شیخوپورہ سے اپیل کی ہے کہ فاروق آباد میں بگڑتی ہوئی صورت حال پر نوٹس لیکر کاروائی کی جائے اور شہریوں کے مال جان کے تحفظ کیلئے اقدامات کئے جائیں ۔
