فاروق آباد: بڑھتی ہوئیں دہشت گردانہ کاروائیوں سے ملکی سلامتی کو خطرات لاحق ہوسکتے ہیں ان خیالات کا اظہار سماجی و سیاسی شخصیت چوہدری تنویر احمد ورک نے صحافیوں سے گفتگو میں کیا انہوں نے کہا کہ ملک میں حالات بہت ہی ناساز ہو رہے ہیں عوام ذہنی عذاب میں مبتلا ہے لوگ گھروں سے نکلتے ہوئے گھبراتے ہیں والدین اپنے بچوں کے بارے میں فکرمند ہیں کہ کہیں وہ راستے میں ہی کسی دہشت گردی کی نظر نہ ہو جائیں لیکن حکمرانوں کے کان پر جوں تک نہیں رینگتی انہیں تو بس اپنے ارد گرد وزیروں مشیروں کی لمبی قطاریں چاہیں ہر محکمہ اور ہر وزارت میں کرپشن کی عظیم الشان مثالیں موجود ہیں نیب، ایف ائی اے ،انٹی کرپشن سمیت بیسیوں ادارے موجود ہونے کے باوجود مجال ہے جو کسی کو جزاسزا کیلئے منتخب کیا جائے چوہدری تنویراحمد ورک نے مزید کہا کہ اب تو عوام کو یقین ہو چلا ہے کہ اس طرح کی جمہوریت سے تو مارشل لاء ہی بہتر ہے انہوں نے حکمرانوں سے اپیل کرتے ہوئے کہا کہ خدارا آپ کے پاس چند دن کی بادشاہت ہے کوئی تو ایساکام کر جاؤ کہ کل کو عوام آپ کو اچھے الفاظ میں یاد رکھے۔
