فاروق آباد: ایف بی آر کا ملازم دوکاندار سے چار ہزار روپے اور این ٹی این کا اصل سرٹیفیکیٹ لیکر ہضم کر گیا
فاروق آباد : دوکان کا نام تبدیل کروانے اور این ٹی این کا گوشوارہ جمع کروانے کی آڑ میں ایف بی آر کا ملازم دوکاندار سے چار ہزار روپے اور این ٹی این کا اصل سرٹیفیکیٹ لیکر ہضم کر گیا،رقم اور سرٹیفیکیٹ کے تقاضے پر سنگین نتائج کی دھمکیوں پر اتر آیا۔بتایا گیا ہے کہ اب سے ڈیڑھ سال قبل ایف بی آر کا ملازم محمد اسحاق مین بازار کے دوکاندار وسیم اسلم کے پاس آیا اور این ٹی این کا گوشوارہ جمع کروانے کو کہا،وسیم نے کہا کہ وہ اپنی دوکان کا نام بھی تبدیل کروانا چاہتا ہے،تو اسحاق نے چار ہزار روپے اور اور اصل سرٹیفیکیٹ مانگا،جو وسیم نے دے دیا،بعد ازاں اسحاق نے ہر دو ماہ بعد دو ہزار وپے مانگنا شروع کر دئیے، مگر وسیم نے دینے سے انکار کر دیا اور اپنی رقم کا تقاضا کیا،جس پر اسحاق نے دھمکی دی کہ میں تمہیں مزہ چکھا دوں گا،میری پہنچ وزیر اعظم تک ہے،تم میرا کچھ نہیں بگاڑ سکتے ہو۔وسیم نے ڈائریکٹر ایف بی آر اور محکمہ اینٹی کرپشن کو دی جانے والی درخواستوں میں داد رسی کی اپیل کی ہے اور مذکورہ ملازم کے خلاف کاروائی کا مطالبہ کیا ہے۔
Leave a Reply