فاروق آباد : ایس ایچ او سٹی فاروق آباد سیاست کی بھینٹ چڑ گیا۔ ایس ایچ او ادریس چدھڑکی تھانہ سٹی فاروق آبادمیں تعیناتی سیاسی اور بالخصوص سفارشی حلقہ میں ناپسندیدہ تھی جس کی بنیادی وجہ ایس ایچ او کاایمانداری سے کام کرنا سخت اور خشک رویہ ہے ،علاقہ کے بہت سے بااثرافراد بھی ایس ایچ او کے اس طرز عمل سے خائف تھے لیکن بطور ایس ایچ او تعیناتی کے دوران کوئی بھی شخص ادریس چدھڑ پرکرپشن اور بدعنوانی کا الزام نہیں لگا سکا ،میرٹ پر کام کرنے اور ایف آئی آرکے اندراج میں بے جا عجلت بھی دیکھنے میں نہ آئی یہ وہ باتیں ہیں جو پولیس کے زیادہ تر حکام میں نہیں پائی جاتی گذشتہ دنوں ایس ایچ او کے خلاف احتجاج کے بعد ایک اچھے ایماندارپولیس آفیسر کو معطل کرکے لائن حاضر کروادیاگیا ۔صدر انجمن تاجران محمد احمد مقبول ،سربراہ پاکستان محمدی پارٹی مہربان سائیں عبدالغفور میاں اور فاروق آبادکی دیگر سیاسی مذہبی اور ادبی تنظیموں اور نے وزیر اعلیٰ پنجاب ،آئی جی پنجاب ،ڈی آئی جی شیخوپورہ رینج اور ڈی پی او شیخوپورہ سے پر زور مطالبہ کیا ہے کہ ادریس چدھڑ کویا کسی ایماندار آفیسر کو دوبارہ تھانہ سٹی فاروق آباد میں تعینات کیا جائے تاکہ علاقہ میں قانون اور میرٹ کی حکمرانی ہواور سفارشی سیاسی طبقہ کی حوصلہ شکنی ہو۔
