فاروق آباد (ایف یو نیوز) فاروق آباد اپروچ روڈ ریلوے کراسنگ پر انڈر پاس تعمیر کیا جائے ،شہریوں کا اعلیٰ حکام سے اصلاح واحوال کا مطالبہ بتایا گیا ہے کہ فاروق آباد ریلوے لائن پر 2ریلوے پھاٹک ہیں ،فاروق آباد شہر کی آبادی ریلوے لائن کے دونوں اطراف میں تقسیم ہے بہت زیادہ آبادی اور بے ہنگم ٹریفک کی وجہ سے اپروچ روڈ ریلوے کراسنگ پر بے انتہا رش بن جاتا ہے ،جس کی وجہ سے شہریوں بالا لخصوص طالبات اور کمسن سکول کے بچوں کو بے جا انتظار کا سامنا کرنا پڑتا ہے ،اس دوران لڑائی جھگڑے کے واقعات بھی رو نما دہوتے ہیں اور چنگ چی رکشہ ڈرائیور آپس میں گتھم گتھا اور دست گریباں ہوتے رہتے ہیں شہریوں کا کہنا ہے کہ 1922میں قائم ہونے والے اس ریلوے پھاٹک پردرجنوں حادثات ہو چکے ہیں 93سال گذرجانے کے باوجود بھی اس پر ترقیاتی کام نہیں ہوئے جبکہ شہریوں کی آدھی سے زیادہ زندگی ریلوے پھاٹک پر انتظار میں گذرگئی ہے شہریوں نے اعلیٰ حکام سے مطالبہ کیا ہے کہ فاروق آباد کے 2پھاٹکوں پر انڈر پاس یا اورہیڈ بریج تعمیر کیئے جائیں ۔
