فاروق آباد: فاروق آباد سے شیخوپورہ جانے والی ویگنوں نے کرائے کم نہ کئے ،اوور چارجنگ کرنے والے ٹرانسپورٹروں کے خلاف کاروائی نہ کئے جانے پروہ اپنی من مانیاں کر رہے ہیں۔ اس حوالے سے لوگوں کا کہنا تھا کہ گورنمنٹ کی جانب سے پٹرول کی قیمتوں میں کمی کے ثمرات ٹرانسپورٹروں نے غریبوں تک پہنچنے ہی نہیں دئیے ہیں شیخوپورہ سے فاروق آبادآنے والی ویگنیں مسافروں کے ساتھ بھیڑ بکریوں ساسلوک کررہے ہیں مانیٹرنگ کا بہتر نظام نہ ہونے کی وجہ سے ٹرانسپورٹرز غریب مسافروں کے ساتھ زیادتی کر رہے ہیں فاروق آباد سے شیخوپورہ ، آنے جانے والے مسافروں سے80پیسے فی کلو میٹرکی بجائے زائد کرایہ وصول کررہے ہیں لیکن ضلعی انتظامیہ کرائے کم کروانے میں ناکام رہی ہے ، لوگوں نے ڈی سی او شیخوپورہ سے مطالبہ کیا ہے کہ دن کے اوقات کے علاوہ رات کو ڈبل کرایہ وصول کر نے والی ویگنوں کے خلاف کاروائی کی جائے۔

QR Code: