فاروق آباد (ایف یو نیوز)فاروق آباد اور گر د ونواح میں عطائی ڈاکٹر سادہ لوح مریضوں کو موت بانٹنے لگے ۔عطائی ڈاکٹر 50روپے سے 100روپے تک کی وصو لی کیلئے لوگوں کی جانوں سے کھیلنے لگے کوئی پوچھنے والا نہیں محکمہ ہیلتھ کے آفسران سمیت تمام ضلعی انتظامیہ خاموش عوام سراپہ احتجاج ڈی سی او،ای ڈی او،ڈی ایچ او،ڈی ڈی ایچ او اور دیگر اعلیٰ احکام سے نوٹس لینے کی اپیل ۔ تفصیلات کے مطابق فاروق آباد سمیت گر دو نواح کے گاؤں جھامکے ،بندوکے ،ایشرکے،ڈیرہ ملاسنگھ ،ہر چند ،سرکاری ،چنیانوالہ ،اجنیانوالہ،جاتری کہنہ ،نوکھر نو، بہالیکے ، مریدکے ، ڈیرہ لاہوریاں اور ڈیرہ گو رداسپوریاں بُری طرح سے عطائی ڈاکٹروں کے لپیٹ میں ہیں ۔عطائی ڈاکٹروں نے ہسپتال ، گائنی سنٹر اور کلینکس بنا رکھے ہیں عطائی ڈاکٹر 50روپے سے 400روپے کی وصولی کیلئے عوامی جانوں سے کھیل رہے ہیں ان کو کوئی پوچھنے والا نہیں ہے اور نہ ہی کسی افسر نے ان علاقوں کا دورہ کیا ہے اور علاقہ مکین بُری طرح سے متاثر ہورہے ہیں اور سراپہ احتجاج ہیں اور انہوں نے ڈی سی او،ای ڈی او،ڈی ایچ او،ڈی ڈی ایچ او اور دیگر اعلیٰ احکام سے نوٹس لینے کی اپیل کی ہے ۔
