فاروق آباد: چیف جسٹس لاہور ہائی کورٹ لاہور مسٹر جسٹس خواجہ امتیاز احمد نے کہا ہے کہ ضلع شیخوپورہ میں آٹو میٹڈ مینجمنٹ سسٹم اینڈ آئی ٹی ڈیٹا سنٹر کے قیام سے پاکستان میں جوڈیشل گورننس کے نئے دور کا آغاز ہوگا ۔جوڈیشل افسران کو اپنی کارکردگی بہتر بنانے میں مدد ملے گی۔عوام کو اپنے مقدمات کے بارے میں جاننے کیلئے عدالتوں کے چکر نہیں لگاناپڑیں گے اور انکے بارے آن لائن جانکاری لے سکیں گے۔ان خیالات کا اظہارچیف جسٹس لاہور ہائی کورٹ لاہور مسٹر جسٹس خواجہ امتیاز احمد نے سیشن کورٹ شیخوپورہ میں ملک تاریخ کے پہلے آئی ٹی ڈیٹا سنٹر کے قیام کی افتتاحی تقریب سے خطاب کرتے کیا۔لاہور ہائی کورٹ کے جسٹس صاحبان مسٹر جسٹس منصور علی شاہ ،مسٹر جسٹس مظہر اقبال سندھو،مسٹر جسٹس شجاعت علی خاں ،مسٹر جسٹس عابد عزیز شیخ ،رجسٹرار ہائی کورٹ حبیب اللہ عامر ڈسٹرکٹ اینڈ سیشن جج محمد اظہر چوہدری ،ڈی سی او راشد کمال الرحمٰن ،ڈی پی او افضال احمد کوثر،صدر ڈسٹرکٹ بار عبدالرشید ملک جنرل سیکرٹری بار عاصم حمید بھنگو،جوڈیشل افسران کی بڑی تعداد اس موقع پر موجود تھی ۔قبل ازیں چیف جسٹس لاہور ہائی کورٹ لاہور مسٹر جسٹس خواجہ امتیاز احمد نے کالا شاہ کاکو میں ہال ہی میں تعمیر ہونے والے جوڈیشل کمپلکس کے فیز I افتتاح کیا۔
