فاروق آباد: خواتین کو تعلیم یافتہ کر کے، نہیں انکے بنیادی حقوق دیکر اور ترقی کے دہارے میں شامل کر کے ملک کو ترقی یافتہ بنایا جا سکتا ہے۔ان خیالات کا اظہار ڈی او سی عبدالغفور چوہدری نے محکمہ سوشل ویلفیئر کے زیر اہتمام ضلع کونسل ہال میں خواتین کے عالمی دن کے سلسلہ میں ایک تقریب سے خطاب کرتے ہوئے کیا۔ڈی او سوشل ویلفیئر چوہدری محمد حنیف،مینجر انڈسٹریل ہوم رخسانہ نفیس،ڈپٹی سوشل ویلفیئر آفیسر ملک محمد یٰسین،پرنسپل ڈگری کالج ڈاکٹر نگہت خورشید،سابق ایم پی اے مسلم لیگ ن آپا سکینہ اور زندگی کے دیگر شعبوں سے متعلق بڑی تعداد نے تقریب میں شرکت کی۔ڈی او سوشل ویلفیئر چوہدری محمد حنیف نے تقریب سے خطاب کرتے ہوئے کہا کہ اسلام نے خواتین کے حقوق کو بہت اہمیت دی ہے جس نے ایک بیٹے کو تعلیم دی اس نے ایک فرد کو تعلیم دی اور جس نے ایک بیٹی کو پڑھایا اس نے ایک خاندان کو تعلیمیافتہ کیا۔