غریب عوام کو انصاف دینا مظلوموں کی دارسی کرنا میرا مشن ہے: اسسٹنٹ کمشنر شیخوپورہ رابعہ ریاست
فاروق آباد (ایف یو نیوز) اسسٹنٹ کمشنر شیخوپورہ رابعہ ریاست نے بلدیہ فاروق آباد میں کھلی کچہری لگائی جس میں عوام کی تعداد نہ ہونے کے برابر تھی کھلی کچہری کے حوالے سے عوام کو اطلاع نہ کرنے پر شدید برہمی کا اظہار کرتے ہوئے متعلقہ افسران کو شوکاز نوٹس جاری کر دیے شہریوں نے انتظامیہ کے خلاف شکایات کے انبار لگا دیے شہر میں صفائی کے ناقص انتظامات ،ناجائز تجاوزات ، گرانفروشی ،ریٹ لسٹ کے مطابق قیمتوں پر کنٹرول کانہ ہونا،سلاٹر ہاوس کے نہ ہونے کے وجہ سے پیدا ہونے والے مسائل،دیہی مرکز صحت کے مسائل،ادویات اوردوسری سہولیات کا فقدان،لاہور روڈ پربنائی جانے والی غیر قانونی سبز منڈی کے خلاف آڑھتیوں کا شدید احتجاج ،شہر بھر میں جگہ جگہ کھلنے والے عطائی ڈاکٹروں کے کلینک ، لاری اڈا فاروق آباد میں میڈیکل سٹورز پر نشہ آور انجکشن کا سر عام بکنا، محلہ نور پورہ کے کورنمنٹ بوائز پرائمری سکول کی جگہ پر قبضہ کر کے سکول میں تعلیم حاصل کرنے والے بچوں کو ملی بھگت سے دوسری جگہ منتقل کرنے اوراس کی عمارت کے فنڈ کی خرد برداور اس کے علاوہ نوکھر نئی آبادی میںآبادی سے دو کلومیٹر دور مقامی با اثر شخص کے ڈیرے پر بننے والے گورنمنٹ گرلز پرائمری سکول کی عمارت پر ناجائز قبضہ،ضعیف العمر خاتون نے خود پر ہونے والے ظلم و بربیت کااے سی شیخوپورہ کو بتایا جس پر رابعہ ریاست نے تھانہ سٹی فاروق آباد اے ایس آئی میاں مقصود احمد کو فوری طور پر مذکورہ خاتون کی ایف آئی آردرج کرنے کا حکم جاری کیا اورمتعلقہ محکموں کے افسران پر برہمی کا اظہار کرتے ہوئے ان کے حل کیلئے فوری طور پرعمل درآمد کرنے اور دو دن میں رپورٹ پیش کرنے کے احکامات جاری کر دیے ۔ انہوں نے صحافیوں سے گفتگو کرتے ہوئے کہا کہ میں اپنی ڈیوٹی کو عبادت سمجھ کر سرا نجام دے رہی ہوں میں گزشتہ ماہ میں شیخوپورہ تعینات ہوئی ہو ں اور ضلع بھر میں جگہ جگہ کھلی کچہریاں لگا کر عوام کے مسائل جان رہی ہو ں ۔ضلع بھر میں سرکاری دفاتر میں وزت کر کے اور کھلی کچہریاں لگا کر عوامی مسائل سننے اور جلد حل کروانے کیلئے ہر ممکن اقدام کیا جائے گا۔قانون کو ہاتھ میں لینے والے عناصر اور اپنی ڈیوٹی میں غفلت بھرتنے والے سرکاری ملازمین کے خلا ف سخت سے سخت کاروائی کی جائے گی۔
Leave a Reply