عید میلادالنبیﷺ کے سلسلہ میں مرکزی جلوس جامع مسجد خضر ٰی سے نکالا جائے گا
فاروق آباد(ایف یو نیوز) عید میلادالنبیﷺ کے سلسلہ میں 12 ربیع لااول شریف کا مرکزی جلوس زیر صدارت صدر مرکزی میلاد کمیٹی فاروق آبا د حاجی مراز نذیر احمد القادری کی قیادت میں جامع مسجد خضرٰی گورنمنٹ ہائر سیکنڈری سکول والی سے نکالا جائے گا جس میں ہزاروں عاشقان مصطفٰیﷺ شرکت کریں گے جلوس پوسٹ آفس روڈ سے ہوتا ہوا میلاد چوک سے مرکزی امام بارگاہ حسینیہ کے سامنے سے گزرتا ہوا لاہور سرگودھا روڈ پر لاری اڈا چوک میں اختتام پذیر ہوگا،لاری اڈہ پر واقع اسٹیٹ لائف انشورنس کارپوریشن آف پاکستان سیلز منیجر محمد نفیس،سیلز آفیسر بابر علی کے آفس میں محفل میلاد مصطفےٰ ﷺ منعقد ہوگی اور جلوس کے شرکاء میں نیاز تقسیم ہوگی ، دوسری طرف غلامان رسول ﷺ شہر بھر کی گلیوں اور بازاروں کو رنگ برنگی جھنڈیوں اوربرقی قمقموں سے دلہن کی طرح سجا کر آمد مصطفٰی ﷺ کے موقع پر آپ ﷺسے بھرپو ر محبت اور عقیدت کا اظہار کر رہے ہیں میلاد کمیٹی کی طرف سے گلیوں اور بازاروں کی سجاوٹ میں حوصلہ افزائی کے لئے 6 جنوری بروز بدھ کو بلدیہ ہال فاروق آباد میں دوپہر ایک بجے جلسہ تقسیم انعامات کا اہتمام کیا گیا ہے جس کے مہمان خصوصی ڈائریکٹر محکمہ اوقاف پنجاب محمد طاہر رضابخاری ہوں گے جو اپنے دست مبارک سے اول دوئم اور سوئم وغیرہ آنے والے افراد کو انعامات تقسم کریں گے۔
Leave a Reply