علاقہ میں عرصہ سے کوئی ترقیاتی کام نہیں ہوئے ، میدان سیاست میں خدمت کا حقیقی جذبہ لیکر آیا ہوں : عطا اللہ بھٹی
فاروق آباد (ایف یو نیوز)امیدوار برائے وائس چئیرمین یونین کونسل78گجیانہ نوعطاء اللہ بھٹی نے کہا ہے کہ علاقہ میں عرصہ سے کوئی ترقیاتی کام نہیں ہوئے ہر الیکشن میں سیاست دان عوام سے وعدے پر وعدے کرتے ہیں،سابق صاحب اقتدار لوگوں نے علاقہ کی عوام کے ساتھ کیئے گئے وعدوں سے انحراف کیاہے اور تسلیوں کے سوا کچھ نہیں دیااور اپنے وعدوں کی پاسداری نہیں کرتے موجودہ بلدیاتی الیکشن میں عوام کے پر زور مطالبہ میدان سیاست میں خدمت کا حقیقی جذبہ لیکر آیا ہوں اور دنیا کی کوئی طاقت مجھے عوامی خدمت کے اس مشن سے پیچھے نہیں ہٹا سکتی میں اہلیان یونین کونسل 78گجیانہ نو سے اپیل کرتا ہوں کہ علاقہ کی فلاح وبہبود کیلئے مجھے ووٹ دیں کسی دوسرے مخالف کے سیاسی ہتھکنڈے میں نہ آئیں اس موقع پر امیدوار چئیرمین ملک عبدالستار کھوکھر ،مصیب بھٹی ،ذیشان بھٹی اور دیگر معززین علاقہ بھی موجود تھے عطاء اللہ بھٹی نے مزید کہا کہ انتخابات کا بگل بج چکا ہے اور انشاء اللہ مخالفین کو ووٹ کی طاقت کے ذریعے بیچ میدان زیر کریں گے ۔
Leave a Reply