شیر کا نشان، روشن پاکستان کا نعر ہ حقیقت میں تبدیل ہو گیا ہے:سید اسد علی

فاروق آباد ( ایف یو نیوز) پاکستان مسلم لیگ (ن)یوتھ ونگ ضلعی آرگنائز ر سید اسد علی شاہ بخاری نے اپنی رہائش گاہ پر نو منتخب کونسلرز کے اعزاز میں دئیے گئے عشائیہ پر شرکاء سے خطاب کرتے ہوئے کہا کہ شیر کا نشان روشن پاکستان کا نعرہ حقیقت میں تبدیل ہو گیا ہے ۔ پاکستان کے غیور عوام نے بلدیاتی الیکشن میں پاکستان مسلم لیگ (ن)کو کامیاب کر کے ایک مرتبہ پھر میاں نواز شریف کی قیادت پر بھر پور اعتماد کا اظہار کیا ہے اور ایک مرتبہ پھر میاں محمد نواز شریف کو ایک مرتبہ پھر اپنا لیڈر منتخب کیا ہے اور انشاء اللہ منتخب نمائندگان عوام کے ترقی کے سفر کو جاری و ساری رکھیں گے اور عوامی سہولیات کی خاطر کوئی کسر اٹھا نہ رکھیں گے ۔ کیونکہ پاکستان کے عوام نے ایک مرتبہ پھر یہودی ایجنٹوں اور کرپٹ سیاست دانوں کو ان کے گندے مقاصد میں ناکام کر دیا ہے فاروق آباد کی وارڈ نمبر1سے نو منتخب کونسلر سید سجاد حسین شاہ بخاری سمیت دیگر شیر کے نشان پر جیتنے والے امیدواروں کو مبارکباد پیش کی اور نیک تمناؤں کا اظہار کیا اس موقع پر یوتھ ونگ اور ایم ۔ ایس ۔ ایف کے عہدیداران نے اعلیٰ قیادت سے نو منتخب کونسلر سید سجاد حسین شاہ بخاری کو چیئر مین میونسپل کمیٹی بلدیہ فاروق آباد منتخب کروانے کا بھرپور مطالبہ کیا ہے اس موقع پر سید اسد علی بخاری کے ہمراہ فاروق آباد سے جیتنے والے تمام کونسلرز سمیت ڈاکٹر رانا علیم الدین ، ڈاکٹر رانامصباح الدین ، مرزا الطاف ، میاں افتخار ، غضفر عباس ، عارف حسین حیدری ، حاجی اظہرحسین ، خادم حسین بھٹی ، ملک مبشر ،رانا انس ، غلام حیدر، مرزا وقاص ، ظہیر عباس سمیت دیگر موجود تھے ۔