فاروق آباد ( ایف یو نیوز) سماجی تنظیم ڈائیلاگ اور انیشیٹو فار سوشل ڈویلپمنٹ کے زیر اشتراک ایک تقریب منعقد ہوئی جس میں صدر ڈائیلاگ حافظ سعادت حیات ،بابر علی ،مبشر حیات رندھا وا ،محمد اکرم ،ماہر تعلیم ملک محمد اصغر ،سید فیا ض حسین شاہ گیلانی ،یاسر علی بلہی ،سیٹھ افتخار احمد سمیت طلبا وطالبات کے والدین کی کثیر تعداد نے شرکت کی تقریب سے خطاب کرتے ہوئے مہمان خصوصی امیدوار برائے لیبر کونسلر سیٹھ افتخار احمد کہا کہ پاکستان کی بہترین خدمت یہ ہے کہ پاکستان میں تعلیم کے فروغ کیلئے کام کیا جائے معاشرے میں جہالت ختم ہوگی تو دہشت گردی ختم ہوگی امن ،استحکام ،ترقی اور خوشحالی کی راہیں کھلیں گی انہوں نے کہا کہ ضلع بھر کے سکولز میں پڑھائی کا دورانیہ 90منٹ بڑھانے پر ای ڈی او ایجوکیشن شیخوپورہ میاں عبدالمتین کی خدمات اور کاوشوں کو سلام پیش کرتے ہیں جنہوں نے ضلع بھر کے بچوں کے مستقبل کوتابناک بنانے کیلئے عملی اقدامات کیئے ہیں تاکہ ضلع بھر کے تمام سکولز کے رزلٹ 2015سے بہتر بنائیں جائیں،اس موقع پر موجود طلبا وطالبات کے والدین نے کہا90منٹ دورانیہ بڑھانے کے اقدام کی بھر پور حمایت کرتے ہیں کیونکہ ایسے اقدامات سے ٹیویشن سسٹم کی حوصلہ شکنی ہوگی،محکمہ تعلیم میں ایسے اقدامات کا تسلسل قائم رہنا چاہیے تعلیم کے فروغ کیلئے کام کرنے والی تنظیموں اور والدین نے ای ڈی او ایجوکیشن شیخوپورہ کے ان احکامات کو تعلیم دوستی قرار دیا ہے ۔
