فاروق آبا (سٹاف رپورٹ) سول کورٹ نے کروڑوں روپے مالیت کی 33ایکڑ سرکاری آراضی کا فیصلہ واپڈا کے حق میں دے دیا ۔بتایا گیا ہے کہ عرصہ 10سال قبل نیلام عام کی بولی میں عمران نامی شخص نے سب سے زیادہ بولی دے کر 33ایکڑواپڈا ہائیڈل پاور چیچوکی ملیاں کی زرعی اراضی پٹہ پر حاصل کی اور بقایا جات ادا نہ کیئے الٹا واپڈا کے خلاف حکم امتناعی حاصل کر لیا جو اسی سال عدالت کے حکم پر خارج ہوگیا ۔ 2006میں واپڈا ہائیڈل پاور نے سول کورٹ میں مذکورہ شخص عمران کے خلاف دخلیابی ومعاوضہ کا دعویٰ دائر کردیا جو واپڈا کے حق میں ہوا اور محکمہ مال نے موقع پر مدعی مقدمہ واپڈا کو قبضہ دلوایا لیکن مذکورہ شخص نے زور زبردستی دوبارہ جگہ پر قبضہ کر لیا اور واپڈاکو کسی قسم کا معاوضہ بھی ادا نہ کیا بلکہ واپڈا ملازمین کو جان سے مارنے کی دھمکیاں بھی دیتا رہا بالآخر سول کورٹ شیخوپورہ نے پٹیشن نمبر354/1/2012پرتفصیلی فیصلہ جاری کردیا ہے اورعدالت نے اپنے فیصلہ میں کہا ہے کہ مذکورہ جگہ واپڈا کی ملکیت ہے اور عمران نامی شخص نے اس پر ناجائز قبضہ کیا ہے اس کے خلاف قانونی کاروائی عمل میں لائی جائے ۔