فاروق آباد (ایف یو نیوز) سسرالیوں کے ہاتھوں پٹرول سے جلا کر قتل کیئے جانے والی خاتون کا بوڑھا باپ انصاف کیلئے دربدر،خواتین کے حقوق پر کام کرنے والی تنظیموں اور وزیر اعلیٰ پنجاب سے مدد کی اپیل ۔بتایا گیا ہے کہ گذشتہ دنوں نوکھر قدیم کے رہائشی محمد اکرام نے اپنی بیوی مسماۃ عروسہ سہیل کو گھریلو ناچاکی پر اپنے دیگر اہل خانہ کے ساتھ مل کر پہلے شدید تشدد کا نشانہ بنایا اور بعد میں اس پر پٹرول چھڑک کر آگ لگا دی جس سے عروسہ سہیل کا 90فیصد جسم جل گیا جسے فوری طور پر شیخوپورہ اور پھر میو ہسپتال لاہو ر منتقل کردیا گیا جہاں کچھ دن علاج معالجہ کے بعد عروسہ خالق حقیقی سے جاملی مقتول خاتون ایک سالہ بچے عباد رضا کی ماں تھی خاتون کے والدمختار احمد نے کی مدعیت میں تھانہ سٹی فاروق آباد میں مقدمہ درج کر لیا گیا ہے لیکن بوڑھا باپ انصاف کیلئے در بدرکی ٹھوکریں کھا رہا ہے اور عروسہ کو قتل کرنے والے ملزمان عبوری ضمانتیں منسوخ ہونے باوجود آزاد گھوم رہے باوثوق ذرائع سے معلوم ہوا ہے کہ قاتل ملزمان کو بااثر سیاسی شخصیت کی حمایت حاصل ہے اور اسی وجہ سے مقامی پولیس ملزمان کو تاحال گرفتار کرنے سے قاصر ہے مقتولہ کا بوڑھے باپ مختار احمد نے خواتین کے حقوق پر کام کرنے والی تنظیموں اور وزیر اعلیٰ پنجاب میاں شہباز شریف سے مطالبہ کیا ہے کہ انصاف کے حصول کیلئے مدد کی جائے اور آزاد گھومنے والے ملزمان کو گرفتار کرکے تختہ دار پر لٹکایا جائے ۔
