لاہور سے فیصل آباد جانے والی بدر ایکسپریس 112اپ ٹرین جب لاہور راوی پل سے امامیہ کالونی کے درمیان پہنچی تومقامی آبادی سے سر پسند افراد نے ٹرین میں سوار مسافروں پر گھوبر بھرے شاپنگ بیگ اور پتھر برسانہ شروع کردیئے ،جس سے متعدد مسافر زخمی ہوگئے اور درجنوں مسافروں کے کپڑے گھوبر سے لتھ پتھ ہوگئے گندگی اور بدبو پوری بوگی میں پھیل گئی فاروق آبادکے رہائشی محمد سلیم،محمد اکرم ،سید فدا شاہ اور متعدددیگر مسافروں نے بتایاکہ اس واقع کی شکایت باقاعدہ طورپر درج کروادی گئی ہے تاہم یہ کوئی ایک دن کا واقع نہیں بلکہ یہ اب معمول بن چکا ہے کہ جب بھی ٹرین راوی پل سے امامیہ کالونی علاقہ شاہدرہ پولیس چوکی کے درمیان ہوتی ہے وہاں پر موجود شرارتی اور شر پسند افراد ٹرین کو نشانہ بناتے ہیں ٹرین چونکہ اس مقام سے سپیڈ کے ساتھ گذرجاتی ہے اس لیئے کسی بھی شخص کو شناخت نہیں کیا جاسکتا تاہم ریلوے پولیس اور شاہدرہ چوکی پولیس کی ذمہ داری ہے کہ وہ ان عناصر کے خلاف کاروائی کریں ۔

QR Code: