فارو ق آباد (سٹاف رپورٹر) سابق ناظم سٹی فاروق آباد ملک داؤد اختر مسلم لیگ ( ن) میں شامل ہو گئے ۔بتایا گیا ہے کہ ( ق) لیگ سے منسلک سابق سٹی ناظم ملک داؤد اختر نے پاکستان مسلم لیگ ( ن) کے ایم این اے سردار محمد عرفان ڈوگراور مقامی مسلم لیگ سٹی فاروق آباد کے اعزاز میں عشائیہ دیا جس میں شہزاد ڈوگر ،سردار سرفراز ڈوگر ،خادم حسین ڈوگر ،حاجی شہباز احمد گھمن ،محمد اعظم شیخ ،صدر سٹی مسلم لیگ سٹی اعجاز قادر چیمہ ،جنر ل سیکرٹری مرزا وسیم غفور ،محمد ارشاد ملک ،عصمت محمود باجوہ ،مبشر ڈوگر،ملک حامد،ملک عتیق ،ملک ماجد،ملک خالد اور دیگر لیگی عہدیداروں نے شرکت کی عشائیہ میں سابق ناظم سٹی فاروق آباد ملک داؤد اختر باضابطہ طور پر ق لیگ کو خیرباد کہتے ہوئے پاکستان مسلم لیگ (ن) میں شمولیت کا اعلان کیا ملک داؤد اختر نے کہا کہ وہ قائد مسلم لیگ میاں محمد نواز شریف اور میاں محمد شہباز شریف کے جان نثار ساتھی ہونے کا ثبوت دیں گئے اور انشاء اللہ مقامی مسلم لیگ سٹی فاروق آباد کے ساتھ مل کر وطن عزیز کی خدمت کریں گے سردار محمد عرفان ڈوگر ایم این اے نے ملک داؤد اختر کو مسلم لیگ میں شمولیت پر خوش آمدید کہتے ہوئے ان کی ن لیگ میں شمولیت کو خوش آئند قرار دیا ۔
