رہائشی آبادیوں میں چربی کاڑھنے کا سلسلہ جاری ،تعفن بدبو،اہل علاقہ کاجینامحال
فاروق آباد ( سٹاف رپورٹر) رہائشی آبادیوں میں چربی کاڑھنے کا سلسلہ جاری ہے تعفن بدبواور بیماریوں نے اہل علاقہ کیلئے جینامحال کردیا ہے ،متعلقہ محکمے خاموش تماشائی بن چکے ہیں ڈی سی او شیخوپورہ محترمہ کرن خورشید سے اصلاح و حوال کا مطالبہ کیا ہے بتایا گیا ہے کہ فاروق آباد بھر میں ایسی رہائشی آبادیاں جن میں قصائی اور کچے چمڑے والے شیخ رہائش پذیر ہیں ان میں چربی کو گرم کرکے ڈرموں میں منتقل کرنے کا کاروبار زورو شور سے ہو رہا ہے مردہ اور ہلال جانوروں کی چربی اور الائشوں کو کڑاہوں میں گرم کیا جاتا ہے اور چربی نکال کر ٹین ڈبوں اور ڈرموں میں منتقل کی جاتی اس عمل کے دوران فضا میں شدید بدبواور تعفن پھیل جاتا ہے اور علاقہ مکینوں کا سانس لینا مشکل ہوجاتا ہے دم گھٹنے لگتا ہے اہلیان علاقہ نے ڈی سی او شیخوپورہ محترمہ کرن خورشید سے مطالبہ کیا ہے کہ چربی کے اس گھناؤنے کاروبار میں ملوث افراد کے خلاف کاروائی عمل میں لائی جائے اور مذکورہ کاروبار کیلئے ضابطہ اخلاق مرتب کیا جائے اور شہری آبادی میں چربی کے کاروبار پر پابندی عائید کی جائے ۔
Leave a Reply