فاروق آباد (ایف یو نیوز) رورل ہیلتھ سینٹرفاروق آباد کو اپ گریڈ کیا جائے ،عرصہ دراز سے غریب عوام کی علاج گاہ کر توجہ نہیں دی جارہی ۔ رورل ہیلتھ سینٹرغریب بے سہاروں کا ہسپتال ہے صاحب سروت ،چہرے پر جھوریاں آنکھوں پر موٹے شیشے والی عینک ہاتھوں میں 2روپے کی فری دوائی کی پرچی جس پر کھانسی کا شربت اور پینا ڈول گولیاں لکھی ہوتی ہیں ہسپتال کی کھڑکی سے آواز آتی ہے ’’مائی دوائی ختم ہو چکی ہے ‘‘ ہسپتال میں ان مریضوں کی حالت زار کو دیکھ کر دل دہل جاتا ہے ایک غریب مریض کو اتنے بڑے ہسپتال سے 10روپے کی دوائی میسر نہیں اور حکومت ہسپتال کوماہانہ 40لاکھ روپے ادا کرتی ہے۔آخر کیوں! لیکن صاحب اقتدار کو سیاست کے مزے لوٹ رہے ہیں نام نہاد لیڈر اس طرف رخ نہیں کرتے مذکورہ ہسپتال کو تحصیل ہیڈ کوارٹر کا درج دینے کا نوٹیفکیشن کو جاری ہوئے کئی سال ہو چکے ہیں جو کرپشن کی دیمک کی نظر ہو چکا ہے ،خوبصور ت اور کشادہ رورل ہیلتھ سینٹرفاروق آباد میں جدید مشینری اور کوالیفائیڈ ڈاکٹر ،لیڈی ڈاکٹر ،ڈینٹل سرجن اور بہترین لیب سے مزین ہسپتال ہے جس میں روز انہ تین سو سے زائد غریب مریض علاج معالجہ کیلئے آرہے ہیں رورل ہیلتھ سینٹرمیں ایمر جنسی کو ڈیل کرنے کیلئے کو ئی خاطر خواہ انتظام نہیں ہے اور نہ ہی رات گئے حادثات ہونے کی صورت میں کوئی ایمر جنسی سہولیات جس کی وجہ سے لوگ شیخوپورہ ڈی ایچ کیو ہسپتال کا رخ کرتے ہیں فاروق آباد شہر کی بد نصیبی ہے کہ 11بجے رات کے بعد پورے شہر میں ڈسپرین کی گولی تک نہیں ملتی البتہ بندوق کی گولی عام دستیاب ہے صحافتی تنظیم ایمرا کے صدر چوہدری عدیل احمد ورک، رانا حمید الرحمن ،ظہیر احمد خان ،ڈاکٹر مہران حیدر ،چوہدری عدیل احمد ورک ، شفیق احمد انصاری ، شہباز احمد گھمن ،محمد عرفان رمضان ،عزیر اقبال قریشی ،خلیل احمد ،ایس ایم شیرازی ،احتشام شامی نے ڈی سی او شیخوپورہ محترمہ کرن خورشید سے مطالبہ کیا ہے کہ رورل ہیلتھ سینٹرفاروق آباد کواپ گریڈ نوٹیفکیشن کے مطابق تحصیل ہیڈ کوارٹر ہسپتال کا درج اور سہولیات فراہم کی جائیں

QR Code: