دھرنا دینے والوں نے سیلاب متاثرین سے بے حسی کا مظاہر کیا: چوہدری خالد بشیر
پاکستان مسلم لیگ (ن)متحدہ عرب امارات چیف آرگنائزر چوہدری خالد بشیر نے چیف ایڈیٹر فاروق آباد اَپ ڈیٹس ڈاکٹر محمد علی قیصرؔ سے ٹیلی فون پر گفتگو کرتے ہوئے کہا کہ تحریک انصاف خبیر پختونخواہ حکومت نے ملک و قوم کے امن کیلئے اپنے گھر بار چھوڑنے والوں کی مدد کر نے کی بجائے اربو ں روپے بے مقصد دھرنوں پر اڑائے ۔دھرنے دینے والو ں نے سیلاب متاثر ین کے ساتھ کھڑا ہو نے کی بجائے ان کے ساتھ بدترین بے حسی کا مظاہرہ کیا ۔معیشت کو نقصان پہنچانے اور عالمی سطح پر پاکستان کا وقار مجروح کرنے والو ں نے ملک و قوم پر بہت ظلم کیا ہے۔ عوام عمران خان اور طاہر القادری کا ملکی مفادات کے منافی رویہ کبھی نہیں بھولیں گے ۔پاکستان مسلم لیگ (ن)کی حکومت وزیر اعظم محمد نواز شریف کی ولولہ انگیز قیادت میں ملک کو بحرانو ں سے نکالنے کیلئے پر عزم ہے۔ وزیر اعظم کا حا لیہ دور ہ چین نہایت کامیاب رہا ہے جس کے معیشت پر مثبت اثرات مرتب ہو گے۔ انہوں نے مزید کہا کہ دھر نو ں کے باعث ملکی معیشت کو پہنچنے والے نقصان کے ازالے کیلئے سنجیدہ اقدامات کئے جارہے ہیں۔ عوام کو گمراہ کرنے والے اپنے مذموم مقاصد میں کبھی کامیاب نہیں ہو ں گے ۔ روزانہ کنٹینر پر کھڑے ہو کر جھوٹ بولنے والے ملک و قوم سے مخلص نہیں ہو سکتے ۔
Leave a Reply