حضور ﷺ نے فرمایا کہ اگر کسی اسلامی ریاست میں ایک غیر مسلم ظلم کا شکار ہوتا ہے تو قیامت کے دن میں اُس کی وکالت کروں گا: محمد حنیف جالندھری
ورلڈ کونسل آف ریلیجنز کے زیر اہتمام ایک خصوصی میڈیا بریفنگ کے موقع پر پاکستان کے اہم مذہبی لیڈروں نے کوٹ رادھا کشن (قصور) میں مسیحی جوڑے کے ظالمانہ قتل کی شدید مذمت کرتے ہوئے کہا کہ یہ ہماری موجودہ تاریخ کے افسوسناک ترین واقعات میں سے ایک ہے ۔ اُنہوں نے کہا کہ بطور مسلمان، ہمارا یقین ہے کہ اللہ اور اُس کے رسول ﷺ اِس ظلم کا شکار ہونے والوں کے ساتھ ہیں کیونکہ حضور ﷺ نے فرمایا کہ اگر کسی اسلامی ریاست میں ایک غیر مسلم ظلم کا شکار ہوتا ہے تو قیامت کے دن میں اُس کی وکالت کروں گا۔ ورلڈ کونسل آف ریلیجنز اس وقت متاثرہ خاندان اور پورے پاکستان کی مسیحی برادری کے دُکھ کو محسوس کرتے ہوئے غم کے اِن لمحات میں اُن کے ساتھ برابر کا شریک ہے۔ مزید ورلڈ کونسل آف ریلیجنز اِنسانی جرم کے اس واقعہ میں شامل تمام عناصر کو قرار واقعی اور فوری سزا دینے کے لیے حکومتِ پاکستان سے مطالبہ کرتا ہے۔ اِس میڈیا بریفینگ میں مولانا محمد حنیف جالندھری، بشپ سیموئیل عزاریا، قاری روح اللہ مدنی، مولانا یسین ظفر، بشپ منو، مولانا عبدالمالک، قاضی نیاز نقوی، بشپ جوزف کوٹس اور حافظ محمد نعمان حامد شامل تھے۔ انہوں نے پاکستان میں توہین رسالت کے قانون کے غلط استعمال کو روکنے کی ضرورت پر بھی زور دیا۔
Leave a Reply