فاروق آباد ( ایف یو نیوز)اشتہاریوں اور جرائم پیشہ افراد کو پنجاب پولیس ہیڈ کوارٹر میں پناہ دینے پر اردلی کانسٹیبل کو کمانڈنٹ پی سی نے ملازمت سے ڈسمس کر دیا ۔ڈسمس اردلی کانسٹیبل نے اپنی جرائم پیشہ سرگرمیوں کو مزید تیز کرنے کیلئے پولیس ملازمین سے ملی بھگت کرکے پی سی یو میں کینٹین کا ٹھیکہ لے لیا ۔شہری نے وزیر اعلیٰ پنجاب ،آئی جی پولیس کو تحریری طور پر آگاہ کردیا ۔بتایا گیا ہے کہ پنجاب پولیس ہیڈ کوارٹر فاروق آباد کو دہشت گردی کے شدید خطرات موجود ہیں اور دہشت گردی سے بچنے کیلئے انتہائی سخت انتظامات کیئے گئے ہیں اسی دوران پولیس اور دیگر خفیہ اداروں کو اطلاع ملی کہ پولیس ہیڈ کوار ٹر میں اردلی کانسٹیبل جوکہ آئی جی ،ڈی آئی جی ،ایس پی اور ڈی ایس پی رینک کے اعلیٰ پولیس افسران کو کھانا فراہم کرتا ہے اس نے ہیڈ کوارٹر کے اندر اپنے گھر میں خطرناک اشتہار مجرموں کو پناہ دے رکھی ہے جس پر فوری ایکشن لیتے ہوئے کمانڈنٹ پی سی ہیڈ کوارٹر نے اردلی کانسٹیبل شیخ مدد علی عرف مدو کو ملازمت سے برخاست کردیا تاہم اردلی کانسٹیبل اپنے اثرورسوخ کی وجہ سے گرفتار ہونے سے بچ گیا اور دیگر خفیہ اداروں سے بچنے کیلئے پولیس ہیڈ کوارٹر میں ہی چھپ گیاگوجرہ ضلع ٹوبہ کے رہائشی محمد اکرم ولدنذیر احمد نے وزیر اعلیٰ پنجاب میاں شہباز شریف ،آئی جی پنجاب اور کمانڈنٹ پنجاب پولیس ہیڈ کوارٹر فاروق آباد کو تحریری طور پرآگاہ کیا کہ شیخ مدد علی عرف مدو خود کو کمانڈنٹ پی سی ہیڈ کوارٹر کا کار خاص بتاتا ہے اور اسی بنیاد پر اس نے درجنوں افراد سے پولیس میں بھرتی کروانے کیلئے رقم وصول کر رکھی ہے ،شیخ مدد علی کہتا ہے کہ میں پی سی کے تمام افسروں کو مٹن کڑاھیاں ،بکرے اور گائے کا گوشت مفت کھلاتا ہوں ،پی سی کے تمام بڑے افسر میرے کانے ہیں میرا کوئی کچھ نہیں بگاڑ سکتا اور میں ڈسمس ہوں لیکن میں آج بھی پی سی میں سرکاری رہائشگاہ پرقابض ہوں اور کسی مائی کے لعل میں جرات ہے کہ وہ مجھ سے سرکاری مکان خالی کروائے ۔ا ور کہتا ہے کہ ایس پی یو انچارج کو میں نے بھاری رشوت دیکر کینٹین لے رکھی ہے ،سیکورٹی انچارج سیف اللہ خان نیازی ، ایل او محمد اسحاق خان کو روزانہ خرچہ دیتا ہوں میرا کوئی کچھ نہیں بگاڑ سکتامیں سرکاری نوکری پر لعنت بھیجتا ہوں جب موجودہ کمانڈنٹ پی سی حسنین اصغر تبدیل ہوگا تو میں اسی دن بحال ہو جاؤں گا اور ساری تنخواہیں بھی لونگا ۔شیخ مدد علی عرف مدو نے پی سی ہیڈ کوارٹر میں سرکاری ملازمین کی مبینہ ملی بھگت ایس پی یوکی کینٹین ٹھیکہ پر لے رکھی ہے ،08 سے 10غریب لوگ کینٹین پر کام کر رہے ہیں اور ماہانہ لاکھوں روپے کی آمدن حاصل کر رہا ہے کینٹین پر ویٹر اور دیگر ملازمین سے کئی کئی ہفتے کام کرواتا ہے اور اجرت دیئے بغیر انہیں پی سی بگا دیتا ہے اور سیکورٹی انچارج کو کہہ کر اس کا پولیس ہیڈ کوارٹر کا گیٹ بند کروا دیتا ہے ،کینٹین پر سرکاری کرسیاں ،میز ،تندور ،سرکاری بجلی استعمال کر رہا ہے ملازمت سے برخاست شیخ مدد علی، بڑی دیدہ دلیری سے کھلے عام کمانڈنٹ اور بٹالین کمانڈر 5کو برا بھلا اور نازیبا (توہین آمیز الفاظ) کہتا پھرتا ہے (شہادت موجود ہے ) شیخ مدد علی عرف مدونے مجھ سے مذکورہ کینٹین کا ایک ماہ کا کرایہ ایڈوانس 25ہزار روپے وصول کیااور ایک سال کا معاہدہ 2 افراد کے روبرو طے پایا ابھی ایک ماہ بھی نہیں ہوااور اس نے میرا گیٹ بند کروادیا ہے شیخ مدد علی کے اشتہاریوں ،جرائم پیشہ اور دہشت گردوں سے تعلقات ہیں جو کسی بھی پولیس ہیڈ کوارٹر کو نقصان پہنچا سکتا ہے لہذا اس کے خلاف بروقت قانونی کاروائی کی جائے ۔

QR Code: