فا روق آباد (ایف یو نیوز)امیدوار برائے چئیرمین بلدیہ فاروق آباد محمد اعظم شیخ نے کہا ہے کہ فاروق آباد کی پندرہ وارڈز میں سب سے زیادہ تعداد پاکستان مسلم لیگ ن کے کونسلرز کی ہے اور پاکستان مسلم لیگ کا ورکر ہی بلدیہ فاروق آباد کاانشاء اللہ چئیرمین منتخب ہوگا،فاروق آباد کے چئیر مین کا فیصلہ فاروق آباد کی عوام کی مرضی سے ہوگا عوام نے مسلم لیگ ن کو مینڈنٹ دیا ہے اور اعلیٰ قیادت بھی مینڈنٹ کو سامنے رکھتے ہوئے فیصلہ کرے گی ایم این اے سردار محمد عرفان ڈوگر ، ایم پی اے چوہدری سجاد حیدر گجراور سردار محمد شہزاد ڈوگر نے فاروق آباد کے عوام کیلئے جو خدمات پیش کی ہیں انہیں کسی صورت فراموش نہیں کیا جاسکتا انہوں دوران الیکشن لیگی امیدواروں کے ساتھ پھر پور معاونت کی اور الیکشن کیمپین میں مسلم لیگ ن کو گراس روٹ لیول پر فروغ دیا حقیقی ورکرزکی حوصلہ افزائی کی میاں محمد نواز شریف اور خادم اعلیٰ میاں شہباز شریف ،حمزہ شہباز شریف کے وزیژن کو عوام میں متعارف کروایا اسی محنت کی بدولت پاکستان مسلم لیگ کو فاروق آباد میں ہزاروں ووٹس کی برتری حاصل ہوئی اور 15سے 13کونسلر ز حضرات مسلم لیگ ن کے ٹکٹ پر کامیاب ہوئے ،محمد اعظم شیخ نے مزید کہا کہ چور راستے بند ہوچکے ہیں مفاد پرست اور ورکرز کے حقو ق سلب کرنے والے افراد کسی صورت کامیاب نہیں ہوسکتے، محمد اعظم شیخ نے کہا کہ مجھے پاکستان مسلم لیگ ن کی مقامی اور اعلیٰ قیادت کی پھر حمایت ،تائید اور سپورٹ حاصل ہے اور نومنتخب کونسلرزحضرات کی اکثیریت کی سپورٹ اور خواہش پر میدان سیاست میں آیا ہوں اور انہیں دوستوں کی خواہش پر انشاء اللہ چئیرمین بلدیہ فاروق آباد منتخب ہوکر علاقہ کی دکھی عوام کی خدمت کروں گا اور تعمیر ترقی کیلئے بھر پور کردار ادا کرونگا ۔
