فارو ق آباد(ایف یو نیوز)ایس ڈی او سچا سودا سب ڈویژن کی بر وقت کاروائی ٹرانسفارمر چوری ہونے سے بچ گیا۔بتایا گیا ہے کہ تھانہ صدر فاروق آبادکے کونے پر 200کلوواٹ کا ٹرانسفارمر لگا ہوا تھا کہ رات تقریباً ڈیڑھ بجے لوڈ شیڈنگ کے دوران نامعلوم چور جوکہ کار اور ٹرک میں سوار تھے ٹرانسفارمر اُتارکر ٹرک میں رکھ رہے تھے کہ راہ گیر نے ایس ڈی او سچا سودا سب ڈویژن رانا انعام کو فون پر اطلاع کر دی جنہوں نے فوری طور پر 15پر کال کی اور اپنے ایمر جنسی سٹاف کو موقع پر پہنچنے کی ہدائت دی۔واپڈا ملازمین کی بر وقت کاروائی پر چور گنبد والی مسجد کے قریب ٹرک نمبری ایل ایکس پی 4143بمعہ ٹرانسفارمر چھوڑ کر کار میں اسلحہ لہراتے ہوئے فرار ہو گئے۔تھانہ سٹی پولیس نے ٹرک اور ٹرانسفارمر قبضہ میں لے کر مقدمہ درج کر لیا۔
