فاروق آباد ( ایف یو نیوز ) سردار ایاز صادق کی وکٹ گرنے پر پاکستان تحریک انصاف فاروق آباد نے شاندار ریلی کا اہتمام کیا جس کی قیادت ڈپٹی کنویئنر محمد احمد مقبول نے کی ریلی میں سعید اکبر شاہ ،آغا شاہ ،تنویر احمد ورک ،یعقوب بٹ ،اعجاز محبوب کمبوہ ،حافظ عثمان ،چوہدری عادل ،عثمان منج ،وقار سعید شاہ ،جنید خادم ،عاطف کمبوہ ،ملک طلحہ ،ظہیر کمبوہ سمیت سینکڑوں ورکرز اور شہریوں نے شرکت کی جبکہ نوجوان ڈھول کی تھاپ پر بھگڑے ڈالتے رہے اور مٹھائی تقسیم کی ریلی سے خطاب کرتے ہوئے ڈپٹی کنوئیر محمد احمد مقبول نے کہا کہ الیکشن ٹربیونل کا فیصلہ حقیقت پر مبنی ہے جو مسلم لیگ ( ن) کو ہضم نہیں ہو رہا اگر مزید حلقے کھولے جاتے تو اس سے بھی زیادہ دھاندلی ثابت ہو سکتی ہے انہوں نے مزید کہا کہ آنے والا دور پاکستان تحریک انصاف کا دور ہے اور ہم عمران خان کی قیادت میں ایک نئے پاکستان کی بنیاد رکھ رہے ہیں جس میں قانون اور انصاف یکساں ہوگا ۔
