فاروق آبا د ( ایف یو نیوز) اپروچ روڈ کے وسط میں نصب بجلی کے پول مسافروں اوراہلیان علاقہ کیلئے موت بن چکے ہیں ان کھمبوں کی وجہ سے سٹرک تنگ ہو چکی ہے اور ٹریفک جام رہنا معمول بن چکا ہے ایسے لوگ جو مسافر ہیں انہیں پتا نہیں ہو تا کہ سٹرک کے وسط میں بجلی کاکوئی پول بھی ہے وہ انجانے میں ان پول سے ٹکراجاتے ہیں حالیہ دنوں لاری اڈہ ریلوے پھاٹک کے قریب تیز رفتار کار نمبری ایل ای ای1829 2011ماڈل سڑک کے وسط میں نصب بجلی کے پول سے ٹکرا گئی۔جس سے 2کمسن معصوم بچوں سمیت چار افراد شدیدزخمی ہو گئے ۔ رات گئے اکثر گاڑیاں اور موٹر سائیکل اس پول سے ٹکرا جاتے ہیں جس کی وجہ سے بہت سے حادثے رونما ہوتے رہتے ہیں۔ اس کے ساتھ ساتھ روڈ کے دونوں اطراف نئے پول نصب کرنے کیلئے عرصہ تین ماہ قبل سیمنٹ کے پول صفانوالہ چوک میں رکھے گئے ہیں،جو محکمانہ سستی نااہلی اور افسروں کی کام چوری کی وجہ سے صفانوالہ چوک میں پڑے پڑے لیسکو واپڈا کا منہ چڑا رہے ہیں ،مقامی لوگوں نے کوڑا کرکٹ کے ڈھیر ان پول کے اوپر لگا دیئے ہیں جس کی وجہ سے صفانوالہ چوک فلتھ ڈپو بن چکا ہے اور ٹریفک کی روانی میں رکاوٹ بن گیا ہے ،لیسکو واپڈا نے کام کے آغاز میں ہی اپنی رقم وصول کرلی تھی لیکن تاحال بجلی کے پول سٹرک کے وسط سے ہٹائے نہیں جاسکے ، ٹھیکیدار اپنا کام ادھورا چھوڑ کر فرار ہو چکا ہے جبکہ اس نے متعلقہ محکمہ کے ملازمین سے ملی بھگت کرکے ٹھیکہ کی پوری رقم وصول کرلی ہے۔
