فاروق آباد (سٹاف رپورٹر ) انڈرگارمنٹس ،کاسمیٹکس ،ہیئر ریموور پراڈکٹس کی فروخت کیلئے عریاں تصاویر دوکانوں میں آویزاں کرنا معمول بن چکا ہے ۔ شہریوں کا ڈی سی او شیخوپورہ سے اصلاح واحوال کا مطالبہ ۔بتایا گیا ہے کہ مین بازار فاروق آباد میں دوکانداروں نے انڈرگارمنٹس ،کاسمیٹکس ،ہیئر ریموور پراڈکٹس اور دیگر روز مرہ کی اشیاء کی فروخت کیلئے نیم عریاں تصاویراپنی دوکانوں میں اویزاں کرنا شروع کردی ہیں جس سے بے حیائی کو فروغ حاصل ہو رہا ہیشہریوں نے کہا ہے کہ شرارتی لڑکے اور عریانی پسند ٹھرکی دوکانداراپنی دوکانداری کی آڑ میں خواتین اور طالب علم بچیوں ان تصاویر کی طرف متوجہ کرکے اپنے گھناؤنے عزائم کو تسکین دینے کی کوشش کرتے ہیں نیم عریاں تصاویر اور پلاسٹک کے عریاں سٹیچو( بت) جن پر بلاؤز اور انڈر گارمنٹس کی ایڈواٹائز منٹ کی جاتی ہے دوکانداروں کا یہ عمل اسلامی اشعار کے قطعی خلاف ہے اور غیراخلاقی ،غیر قانونی اقدام ہے جو کسی بھی اسلامی مہذب معاشرے کو زیب نہیں دیتا جس کی بھر پورمذمت کی جانی چاہے انہوں نے ڈی سی او کرن خورشید سے اصلاح احوال کا مطالبہ کیا ہے۔
