الطاف حسین کا بیان پاکستان کیلئے کھلی دہشت گردی ہے ،چوہدری صابر حسین بھٹی
فاروق آباد ( سٹاف رپورٹر) الطاف حسین کا بیان پاکستان کیلئے کھلی دہشت گردی ہے حکمران ہوش کے ناخن لیں اور الطاف حسین کے خلاف سخت کاروائی کیلئے برطانوی حکومت سے سفارتی سطح پر بات کریں ،پاکستان تحریک انصاف کے رہنماء چوہدری صابر حسین بھٹی نے کہا ہے کہ جس جماعت کا سربراہ برطانیہ بیٹھ کر پاکستان میں انتشار پھیلا رہا ہواور پاکستان کا سب سے بڑا دشمن ملک انڈیا کو پاکستان میں مداخلت کیلئے ابھار رہا ہووہ جماعت کس طرح محب وطن ہو سکتی ہے الطاف کے حالیہ بیانات سے ثابت ہو چکا ہے کہ ایم کیو ایم ’’را ‘‘کی ایجنٹ ہے اور ملک دشمن سرگرمیوں میں ملوث ہے چوہدری صابر حسین بھٹی نے مزید کہا کہ آرمی چیف جنرل راحیل شریف اور پاکستان آرمی کے خلاف تقریر کرنے کی بھر پور مذمت کرتے ہیں اور موجودہ حکمرانوں کو جھنجوڑتے ہیں کہ وہ خاموش تماشائی نہ بنیں اور الطاف حسین کی ملک دشمن سازشوں کو ختم کرنے کیلئے سفارتی سطح پر برطانیہ سے براہ راست بات کی جائے ۔
Leave a Reply