اشتہاری ملزموں کیخلاف اخبارات میں خبریں شائع ہونے پر متعلقہ افسران پشت پناہی کرنے لگے
ملزم جوکہ سرکاری ملازم ہے کو قرار واقعہ سزا دینے کی بجائے ٹرانسفر کرکے ’’کیس پر مٹی پاؤ‘‘کی پالیسی پر مدعی پارٹی کا شدید احتجاج
فاروق آباد (ایف یو نیوز)اشتہاری ملزموں کیخلاف اخبارات میں خبریں شائع ہونے پر متعلقہ افسران پشت پناہی کرنے لگے ،ملزم جوکہ سرکاری ملازم ہے کو قرار واقعہ سزا دینے کی بجائے ٹرانسفر کرکے ’’کیس پر مٹی پاؤ‘‘کی پالیسی پر مدعی پارٹی کا شدید احتجاج۔ بتایا گیا ہے کہ سچا سودا کے رہائشی بشارت وغیرہ نے وزیر اعلیٰ پنجاب میاں محمد شہباز شریف کو تحریر ی طور پر اپیل کی تھی کہ اشتہاری ملزم محمد اقبال اور اس کا بیٹا قیصر عرف قیصری کیخلاف مختلف اضلاع میں ڈکیتی ،چوری اور سنگین دفعات کے تحت درجنوں مقدمات درج ہیں اور ملزمان ان مقدمات میں اشتہاری ہیں ملزم محمد اقبال نے محفوظ پناہ اور پولیس سے چھپنے کیلئے اپنے سرکاری دفتر کو مسکن بنا رکھا ہے مذکورہ واقعہ کی اخبارات میں خبریں شائع ہونے پرسرکاری رہائشگاہ خالی کروالی گئی ہے اور اپنا گناہ چھپانے کیلئے متعلقہ افسران ملزم کو قرار واقعہ سزا دینے کی بجائے اسے کسی اور جگہ ٹرانسفر کرکے معاملے کو رفا دفع کرنے کی کوشش کررہے ہیں جس پردرخواست گذار نے شدید احتجاج کیا اور وزیر اعلیٰ پنجاب ،چیف ایرگیشن فیصل آباد ،ڈی پی او شیخوپورہ کو تحریری درخواست میں مطالبہ کیا ہے کہ ملزم پر بیشمار مقدمات درج ہیں ملزم جعلی شناختی کارڈ پر محکمہ نہر میں بھرتی ہوا ہے اور سرکاری پشت پناہی لیکر پولیس کی آنکھوں میں دھول جھونک رہا ہے اشتہاری ملزم قیصر عرف قیصری اور اس کے والداشتہاری ملزم محمد اقبال کو فوری گرفتار کرکے کیفر کردار تک پہنچایا جائے ۔
Leave a Reply