اسسٹنٹ کمشنر شیخوپورہ رابعہ ریاست کی کھلی کچہری ،عوام کو اطلاع نہ کرنے پر شوکاز جاری کردیے
فاروق آباد (ایف یو نیوز) اسسٹنٹ کمشنر شیخوپورہ رابعہ ریاست کی کھلی کچہری ،عوام کو اطلاع نہ کرنے پر شوکاز جاری کردیے تفصیلات کے مطابق اسسٹنٹ کمشنر شیخوپورہ رابعہ ریاست نے بلدیہ فاروق آباد میں کھلی کچہری لگائی جس میں عوام کی تعداد نہ ہونے کے برابر تھی کھلی کچہری کے حوالے سے عوام کو اطلاع نہ کرنے پر شدید برہمی کا اظہار کرتے ہوئے متعلقہ افسران کو شوکاز نوٹس جاری کر دیے شہریوں نے انتظامیہ کے خلاف شکایات کے انبار لگا دیے شہر میں صفائی کے ناقص انتظامات ،ناجائز تجاوزات ، گرانفروشی ،ریٹ لسٹ کے مطابق قیمتوں پر کنٹرول کانہ ہونا،سلاٹر ہاوس کے نہ ہونے کے وجہ سے پیدا ہونے والے مسائل،دیہی مرکز صحت میں ڈینٹل الات کا عرصہ دراز سے خراب ہونا ایکسرے فلمزکی عدم دستیابی،ادویات اوردوسری سہولیات کا فقدان،لاہور روڈ پربنائی جانے والی غیر قانونی سبز منڈی کے خلاف آڑھتیوں کا شدید احتجاج ،شہر بھر میں جگہ جگہ کھلنے والے عطائی ڈاکٹروں کے کلینک ، لاری اڈا فاروق آباد میں میڈیکل سٹورز پر نشہ آور انجکشن کا سر عام بکنا، محلہ نور پورہ کے کورنمنٹ بوائز پرائمری سکول کی جگہ پر قبضہ کر کے سکول میں تعلیم حاصل کرنے والے بچوں کو ملی بھگت سے دوسری جگہ منتقل کرنے اوراس کی عمارت کے فنڈ کی خرد برداور اس کے علاوہ نوکھر نئی آبادی میںآبادی سے دو کلومیٹر دور مقامی با اثر شخص کے ڈیرے پر بننے والے گورنمنٹ گرلز پرائمری سکول کی عمارت پر ناجائز قبضہ جیسے مسائل بیان کیے گئے جس پر اسسٹنٹ کمشنر شیخوپورہ رابعہ ریاست نے متعلقہ محکموں کے افسران پر برہمی کا اظہار کرتے ہوئے ان کے حل کیلئے فوری طور پرعمل درآمد کرنے اور دو دن میں رپورٹ پیش کرنے کے احکامات جاری کر دیے
Leave a Reply