آزا د حیثیت سے الیکشن جیتنے والے چوہدری شہریار احمد ڈوگر ایڈوکیٹ کی مسلم لیگ ن میں شمولیت

فاروق آباد(ایف یو نیوز)آزا د حیثیت سے الیکشن جیتنے والے چوہدری شہریار احمد ڈوگر ایڈوکیٹ کی مسلم لیگ ن میں شمولیت۔ تفصیل کے مطابق آزاد اُمید وار چوہدری شہریار احمد ڈوگر ایڈووکیٹ جو کہ یو سی83جاتری کہنہ سے بلدیاتی الیکشن میں وائس چیرمین منتخب ہوئے ہیں انہوں نے اپنے پینل کے ہمراہ مسلم لیگی ایم این اے سردار عرفان ڈوگرکی دعوت پر مسلم لیگ ن میں شمولیت اختیار کر لی۔اس سلسلہ میں سردار عرفان ڈوگر کی رہائش گاہ پٹیالہ ہاؤس ککڑ گل گاؤں میں دعوت کا اہتمام کیا گیا۔اس موقع پر صحافیوں سے بات چیت کرتے ہوئے انہوں نے کہا کہ مسلم لیگ ن کے ایم این اے سردار محمد عرفان ڈوگر کی دعوت اور مکمل سیاسی تعاون کی یقین دہانی پر میں اپنے پینل کے ہمراہ اس سیاسی جماعت میں شامل ہوا ہوں۔تاکہ پنجاب حکومت کی پالیسیوں کے مطابق تعمیر و ترقی کی رفتار میں مزید بہتری لائی جا سکے۔ بلدیاتی انتخابات میں جس اعتماد اور محبت سے عوام نے مجھے اپنا وائس چیرمین منتخب کیا میری تما م تر توجہ عوام کو بہتر بنیادی سہولیات کی فراہمی پر ہو گی۔ میں عوام کی فلاح و بہبود کیلئے ہر ممکن اقدام کرونگا۔اس موقع پر لیبر ونگ پنجاب کے صدر الحاج سید مشتاق حسین شاہ،ایم پی اے چوہدری سجاد حیدر گجر،چوہدری شہزاد ڈوگر،چوہدری سرفراز احمد ڈوگر(بھولا ڈوگر)،شبیر حسین چوہان چیئرمین اور علاقہ سے منتخب ہونے والے مسلم لیگی چیئرمین ،وائس چیئرمین اور جنرل کونسلرزبھی موجود تھے۔