فاروق آباد (ایف یو نیوز )سانحہ آرمی پبلک سکول پشاور کے شہید بچوں کو خراج تحسین پیش کرنے کیلئے اسٹیٹ لائف انشورنس کارپوریشن آف پاکستان ویسٹرن زون لاہور ایریا 2067کے زیر اہتمام فاروق آباد لاری اڈہ پر ریلی نکالی گئی ریلی میں ظہیر احمد خان ،میاں لیاقت ،شفیق احمد انصاری ،عدیل احمد ورک ،رانا حمید الرحمن ،سیلز منیجرمحمد نفیس ،بابر علی ،صابر علی ڈوگر ،شکیل احمد ،حافظ غلام باری مجاز ،مظہر شاہین ،چوہدری غلام حسین ،افتخار قاسم ،مہران حیدر ،احتشام شامی،سید تقی شاہ ،محمد عرفان رمضان ،رانا وسیم ،عبدالخالق ،میاں سلامت علی،ثاقب عمران گورائیہ سمیت شہریوں کی کثیر تعداد نے شرکت کی ریلی سے خطاب کرتے ہوئے سیلز منیجر محمد نفیس نے کہا کہ دہشت گردبزدل ہیں جنہوں نے کمسن بچوں کو اپنی گولیوں کا نشانہ بنایا نے کہا کہ سانحہ پشاورمیں شہید ہونیوالے طلبہ کی قربانیاں رائیگاں نہیں جائیں گی ۔ انہوں نے کہا کہ آرمی پبلک سکول کے سانحے نے پوری قوم کو متحد کر دیا ہے اور اب دہشت گردی کے خاتمے کے لئے ہر کوئی پرعزم ہے ۔ انہوں نے کہا کہ دہشت گرد تعلیمی اداروں میں خونی کارروائیاں کرکے قوم کا حوصلہ پست نہیں کر سکتے ۔ اس موقعے پر خطاب کرتے ہوئے چوہدری عدیل احمد ورک کا کہنا تھا کہ دہشت گردی کا خاتمہ وقت کی اہم ترین ضرورت ہے اور اس حوالے سے پوری قوم افواج پاکستان کے ساتھ ہے ریلی سے چئیر مین سپریم کونسل انجمن تاجران میاں لیاقت علی ،مہربان سائیں عبدالغفور میاں نے بھی خطاب کیا ۔
