پاکپتن(ایف یو نیوز)پاکپتن تھانہ صدر کے علاقہ 40 ایس پی میں محنت کش غلام محمدکی سترہ سالہ بیٹی صباء پر نامعلوم شخص نے تیزاب پھینک دیا تیزاب گردی کے باعث صباء کا چہر اور جسم کے دیگر اعضاء بری طرح جھلس گئے جس کو طبی امداد کے لیے حویلی لکھا منتقل کیا گیا جہاں سے اسے تشویش ناک حالت کے پیش نظر لاہور جناح ہسپتال منتقل کردیا تفصیلات کے مطابق تھانہ صدر کے علاقہ 40ایس پی کے رہائشی غلام محمد کی بیٹی صباء جو کہ گھر میں سوئی ہوئی تھی نامعلوم ملزمان نے گھر گھس کر اس کے اوپر تیزاب پھینک کر فرار ہوگئے جس کے باعث صباء کا چہرہ، بال اور جسم کے مختلف اعضاء بری طرح جھلس گئے جسے تشویش ناک حالت کے باعث حویلی لکھا سے لاہور ریفر کر دیا گیا ہے پاکپتن پولیس نے نامعلوم افراد کے خلاف تیزاب گردی کامقدمہ درج کرلیا ہے ۔
