سب تحصیل نور پور کا ہسپتال بنیادی سہولیات سے محروم ہے۔ مریضوں کی تعداد زیادہ مگر ادویات کا کوٹہ کم ہے : چوہدری اعجاز احمد
پاکپتن(بیورورپورٹ)سب تحصیل نور پور کا ہسپتال بنیادی سہولیات سے محروم ہے۔ مریضوں کی تعداد زیادہ مگر ادویات کا کوٹہ کم ہے ان خیالات کا اظہار پاکستان تحریک انصاف کے چیئرمین یونین کونسل 93 ڈی چوہدری فیصل جاوید اور سیاسی راہنما چوہدری اعجاز احمد نے میڈیا سے گفتگو کرتے ہوئے کیا انہوں نے کہا کہ آر ایچ سی 93 ڈی پاکپتن کی سب تحصیل نور پور کا واحد سرکاری ہسپتال ہے جہاں روزانہ تقریباً پانچ سے چھ سو مریض چیک اپ کروانے کیلئے آتے ہیں مگر مریضوں کو فراہم کئے جانے والی ادویات کا کوٹہ انتہائی کم ہے جس کی وجہ سے مریضوں کو مکمل سہولیات فراہم کرنا انتہائی مشکل ہے انہوں نے کہا کہ ہم وزیراعظم پاکستان عمران خان، وزیراعلی پنجاب عثمان بزدار و دیگر متعلقہ حکام سے مطالبہ کرتے ہیں کہ سب تحصیل نور پور کی تقریباً دیڑھ لاکھ کی آبادی کو مدنظر رکھتے ہوئے آر ایچ سی 93 ڈی میں ادویات کا کوٹہ بڑھایا جائے تاکہ مریض صحت کی سہولیات سے مکمل طور پر مستفید ہوسکیں۔
Leave a Reply