تلہ گنگ: تلہ گنگ پریس کلب میں سیرت النبی صلی اللّٰہ علیہ والہ وسلم کے موضوع پر کانفرنس کا انعقاد ہوا۔ کانفرنس میں اسسٹنٹ کمشنر تلہ گنگ راجہ عدنان انجم، رہنماء ق لیگ حاجی عمر حبیب، ممتاز عالم دین مولانا صابر ایوب، صاحبزادہ مولانا قاسم نقشبندی، پروفیسر رفاقت تبسم اور ممبران پریس کلب نے شرکت کی۔ کانفرنس سے خطاب کرتے ہوئے مولانا صابر ایوب، اسسٹنٹ کمشنر تلہ گنگ راجہ عدنان انجم، پروفیسر رفاقت تبسم، مولانا قاسم نقشبندی، چودھری غلام ربانی، قاضی عبد القادر، ننھے خطیب عبدالصمد ملک سمیت مقررین نے سیرت النبی پر روشنی ڈالی۔قبل ازیں معزز مہانوں کی آمد پر صدر تلہ گنگ پریس کلب چودھری نذر حسین اور چیئرمین الیکترانک میڈیا سید ارشاد حسین شاہ کاظمی کی قیادت میں ممبران پریس کلب نے ان کا استقبال کیا۔ مقررین نے کہا کہ پیغمبرآخرالزماں حضرت محمد صلی اللہ علیہ وسلم کی حیات طیبہ ہمارے لیے اسوہ حسنہ ہے آپ صلی اللہ علیہ وسلم کی مبارک زندگی قرآن کریم کا عملی نمونہ ہے گویا آپ صلی اللہ علیہ وسلم چلتا پھرتا قرآن تھے آپ صلی اللہ علیہ وسلم کی اطاعت ہی سے ہدایت میسر آسکتی ہے۔ رسولِ کائنات، فخرِ موجودات محمد عربی صلی اللہ علیہ وسلم کو خالق ارض و سما رب العلیٰ نے نسلِ انسانی کے لیے نمونہ? کاملہ اور اسوہ? حسنہ بنایاہے اور آپ صلی اللہ علیہ وسلم کے طریقہ کو فطری طریقہ قرار دیا ہے۔ محسن انسانیت صلوات اللہ علیہ وسلامہ کے معمولات زندگی ہی قیامت تک کے لیے شعار ومعیار ہیں، یہی وجہ ہے کہ سیرۃ النبی صلی اللہ علیہ وسلم کا ہر گوشہ تابناک اور ہر پہلو روشن ہے یومِ ولادت سے لے کر روزِ رحلت تک کے ہر ہر لمحہ کو قدرت نے لوگوں سے محفوظ کرادیا ہے آپ صلی اللہ علیہ وسلم کی ہر ادا کو آپ صلی اللہ علیہ وسلم کے متوالوں نے محفوظ رکھاہے اور سند کے ساتھ تحقیقی طور پر ہم تک پہنچایا ہے، سیرۃ النبی صلی اللہ علیہ وسلم کی جامعیت و اکملیت ہر قسم کے شک و شبہ سے محفوظ ہے دنیائے انسانیت کسی بھی عظیم المرتب ہستی کے حالات زندگی، معمولات زندگی، انداز و اطوار، مزاج و رجحان، حرکات و سکنات، نشست و برخاست اور عادات وخیالات اتنے کامل ومدلل طریقہ پر نہیں ہیں جس طرح کہ ایک ایک جزئیہ سیرۃ النبی صلی اللہ علیہ وسلم کا تحریری شکل میں دنیا کے سامنے ہے یہاں تک کہ آپ سے متعلق افراد اور آپ صلی اللہ علیہ وسلم سے متعلق اشیاء کی تفاصیل بھی سند کے ساتھ سیرت و تاریخ میں ہر خاص و عام کو مل جائیں گی۔ ضرورت اس امر کی ہے کہ آپ صلی اللّٰہ علیہ وسلم کی حیات طیبہ کے ہر عمل پر عمل پیرا ہونا پڑے گا اسی میں ہماری دائمی نجات ہے۔کانفرنس کے اختتام پر دعا کی گئی اور طعام کا اہتمام کیا گیا۔

QR Code: