حکومت پنجاب کی ہدایت پر سرکاری ہسپتالوں میں ہفتہ صحت منایا جا رہا ہے

Print Friendly, PDF & Email

تلہ گنگ (چودھری نذر حسین) حکومت پنجاب کی ہدایت پر ضلع تلہ گنگ میں بھی سرکاری ہسپتالوں میں ہفتہ صحت بھرپور انداز میں منایا جا رہا ہے ۔ اسسٹنٹ کمشنر تلہ گنگ سجاد محمود بابر نے سٹی ہسپتال میں ہفتہ صحت کے حوالے سے منعقدہ کیمپ کا افتتاح کیا ۔ حکومت پنجاب کی ہدایت پر ضلع تلہ گنگ میں بھی سرکاری ہسپتالوں میں ہفتہ صحت بھرپور انداز میں منایا جا رہا ہے ۔ اسسٹنٹ کمشنر تلہ گنگ سجاد محمود بابر نے سٹی ہسپتال میں ہفتہ صحت کے حوالے سے منعقدہ کیمپ کا افتتاح کیا ۔ کیمپ میں پہلے ہی روز مریضوں کا رش دیکھنے میں آیا ۔ جہاں مریضوں نے بڑی تعداد میں اپنے ہیپاٹائٹس کے ٹیسٹ کروائے اور حفاظتی ویکسین لگوائی ۔ ایم ایس سٹی ہسپتال ڈاکٹر طیب خان کے مطابق ہم نے کیمپ میں روزانہ پانچ سو سے زائد مریضوں کے چیک اپ کےلئے اپنے انتظامات مکمل کر رکھے ہیں ۔ ایم ایس ڈاکٹر طیب خان نے کہا کہ سٹی ہسپتال تلہ گنگ انتظامیہ مریضوں کو سہولیات کی فراہمی کےلئے اپنی تمام تر توانائیاں صرف کر رہی ہے ۔ کیمپ میں ڈاکٹرز اور پیرا میڈیکل اسٹاف مریضوں کے ہیپاٹائٹس ، ایڈز ، شوگر اور ملیریا کے فری ٹیسٹ کئے جا رہے ہیں ۔ جبکہ بیماریوں سے بچاؤ کی حفاظتی ویکسین بھی لگائی جا رہی ہے ۔ ہم حکومت پنجاب کی ہدایات پر مریضوں کو صحت کی بہترین سہولیات فراہم کرنے میں کوئی کوتاہی نہیں کرینگے ۔

Short URL: https://tinyurl.com/2kmo59ku
QR Code:


Leave a Reply

Your email address will not be published. Required fields are marked *