پاکپتن(ایف یو نیوز) پولیس چوکی بابا فرید کے انچارج رانا طاہر نے پولیس اہلکاروں کے ہمراہ محلہ عید گاہ کے پتنگ فروش کے گودام پر چھاپہ مار کر پتنگ فروش کو فرار کر دیا مبینہ نذرانہ کے عوض پتنگیں اور ڈور کم تعداد میں قبضہ میں لے کر ان میں سے بھی بندر بانٹ کر کے صرف 40پتنگوں اور دو چرخلیوں کا مقدمہ درج کر ڈالا تفصیلات کے مطابق پولیس چوکی دربار کے انچارج رانا طاہر نے اہل علاقہ کی شکایت پر محلہ عید گاہ کے کرایہ دار شیخ رمضان کے گودام پر چھاپہ ما را تو اندر بڑی تعداد میں پتنگیں اور ڈوریں پڑی تھیں پتنگ فروش نے موقع پر مک مکا کیا تو پولیس اہلکاروں اور چوکی انچارج نے نوٹوں کی چمک کے عوض صرف 40پتنگیں اور2ڈور کی چرخیلوں کو محلہ کے رہائشیوں کے سامنے دکھا کر ملزم کو فرار کروا دیا اور خانہ پری کے لئے چند پتنگوں کا مقدمہ درج کر لیا ایک ماہ میں پتنگ فروش شیخ رمضان کے خلاف پولیس سٹی نے دو مقدمات درج کئے ہیں لیکن دونوں مقدمات میں ملزم کی گرفتاری عمل میں نہ لائی گئی ہے پولیس کو اہل محلہ کی شکایت اور ملزم سے ساز باز ہونے کی اعلی کارکردگی پر شہریوں نے تشویش کا اظہار کرتے ہوئے کرپٹ اہلکاروں اور پتنگ فروش کے خلاف سخت کا روائی کا مطالبہ کیا ہے۔۔
