چند روز قبل تھانہ فرید نگر کی حدود میں قتل ہونے والے قدیر کی نعش قاتلوں کی عدم گرفتاری پر ریلوے پھاٹک پر رکھ کر پولیس کے خلاف شدید احتجاج
پاکپتن (ایف یو نیوز)کمسن طالب علم کو تاوان کی خاطرمحلہ ہی کے ملزم نے قتل کر کے لاش راجباہ میں پھینک دی ریسکیو 1122اور مقامی پولس کو تلاش کے باوجود نعش تا حال نہ مل سکی چند روز قبل تھانہ فرید نگر کی حدود میں قتل ہونے والے قدیر کی نعش قاتلوں کی عدم گرفتاری پر ریلوے پھاٹک پر رکھ کر پولیس کے خلاف شدید احتجاج تفصیلات کے مطابق چوک آرائیاں کا رہائشی 15سالہ طالب علم اللہ دتہ ولد خورشید کو محلہ ہی کے رہائشی نے تاوان کی خاطر اغواہء کر کے چار محرم کو قتل کر دیا تھا اور اس کی نعش راجباہ میں پھینک دی14روز گزر جانے کے بعد گرفتار ملزم فرید عرف زیبو نے طالب علم کو قتل کرنے کا اطراف کر دیا جس پر قتل کی اطلاع ملنے پر نوجوان کے والدین پر غشی کے دورے پڑ گئے جبکہ دوسرے واقعہ میں تھانہ فرید نگر کی حدود میں نذیر وغیرہ نے نوجوان قدیر کو گولیاں مار کر قتل کر دیا تھا اور نعش تھانہ غلہ منڈی ساہیوال کی حدود نہر میں پھینک دی تھی ورثاء کو نعش ملنے پر سینکڑوں مظاہرین نے میت ریلوے پھاٹک رکھ کر پولیس کے خلاف شدید احتجاج کیا اس موقعہ پر مظاہرین نے ٹائروں کو آگ لگا کر روڑ بلاک کر دیا جبکہ خواتین نے ملزمان کی عدم گرفتاری پر سینہ کوبی کی گھنٹوں روڈ بلاک سے ٹرین سمیت آمدورفت کے سلسلہ کو دشواری کا سامنا کرنا پڑا۔
Leave a Reply