پاکپتن(ایف یو نیوز)مسلم لیگ (ن) کی قیادت مشکل کی ہر گھڑی میں عوام کے دکھ درد میں برابر کی شریک ہے ،مختلف حادثات ،آفات و سانحات میں جاں بحق ہونیوالے افراد کے خاندانوں کی کفالت کرنا مسلم لیگ کی حکومت کا طرہ امتیاز ہے ،وزیر اعلی پنجاب میاں محمد شہباز شریف عوام کی خدمت کیلئے ہمہ وقت کمر بستہ ہیں اس سلسلہ میں انتظامی افسران کو واضح طور پر ہدایات ہیں کہ حکومتی پالیسی کے مطابق عوام کو بروقت ریلیف فراہم کرنے کیلئے اقدامات کریں ان خیالات کا اظہار صوبائی وزیر محنت و انسانی وسائل راجہ اشفاق سرور نے ضلع پاکپتن کے نواحی گاؤں 81/Dمیں لاہور فیکٹری حادثہ میں جاں بحق ہونیوالے مزدوروں کے لواحقین کو مالی امداد کے چیک دینے کی تقریب سے خطاب کرتے ہوئے کیا اس موقع پر ایم این اے سردار منصب علی ڈوگر ،صوبائی پارلیمانی سیکرٹری لیبر و ہیومن ریسور س میاں نوید علی ،ڈی سی او عرفان احمد سندھو،ڈی پی او کامران یوسف ملک ،مسلم لیگی عہدیداران عمردراز حسین سمیت متعلقہ محکموں کے افسران ،اہل علاقہ اور صحافیوں کی کثیر تعداد موجود تھی،ایم این اے سردار منصب علی ڈوگر نے اس موقع پر خطاب کرتے ہوئے کہا کہ مسلم لیگ کی قیادت نے عوام کو ہر ممکن سہولیات فراہم کرنے کیلئے ہر دور میں موثر اقدامات کیے ہیں ، انہوں نے کہا کہ انسانی زندگی کا کوئی نعم العبدل نہیں مگر جاں بحق ہونیوالے مزدوروں کے خاندانوں کے نظم ونسق کو بہتر طور پر چلانے کیلئے امدادی رقوم کی فراہمی حکومت کا عوام دوستی پالیسی کی بہترین مثال ہے ، صوبائی پارلیمانی سیکر ٹری لیبر و ہیومن ریسور س میاں نوید علی نے کہا کہ مسلم لیگ کی قیادت اور حکومت پنجاب جاں بحق ہو نے والے افراد کے ورثا کے ساتھ کھڑی ہے اور انہیں تنہا نہیں چھو ڑے گی اور ان کی فلا ح وبہبود کیلئے مثالی اقدام کرتی رہے گی ، صوبائی وزیر نے اس موقع پر بتایا کہ وزیر اعلی پنجاب کی ہدایات پر ریکارڈ تین یوم میں امدادی رقوم کی فراہمی کی گئی ہے تاکہ غم زدہ و پریشان حال ورثاء کے مالی مسائل کو کم کیا جاسکے ، علاوہ ازیں صوبائی وزیر راجہ اشفاق سرور ، ایم این اے سردار منصب علی ڈوگر ، صوبائی پارلیمانی سیکرٹری بر ائے لیبر و ہیومن ریسورس میاں نوید علی ، ڈی سی اوعرفان احمد سندھو نے لاہور بیکری مصنوعات فیکٹر ی میں جان بحق ہونے والے مزدورں کے ورثا میں 9 ، 9 لاکھ کے تین امداد چیک تقسیم کیے ۔
