عید کے تہوار کے لیے منشیات فروشوں نے شراب ،چرس اور افیون سمیت دیگر نشہ آور اشیاء اسٹور کرلیں، پولیس نے بھی چشم پوشی اختیار کر لی
پاکپتن(ایف یو نیوز)عید کے تہوار کے لیے تھانہ صدر ، سٹی، فرید نگر، کے زیر سایہ منشیات فروشوں نے شراب ،چرس اور افیون سمیت دیگر نشہ آور اشیاء اسٹور کرلیں پولیس نے بھی چشم پوشی اختیار کر لی محکمہ پولیس میں چھپی چند کالی بھیڑوں نے بھی اپنی ماہانہ منتھلی کے عوض منشیات فروشوں کو پولیس کے متوقع چھاپوں کی ایڈوانس اطلاع دے دی ہے ذرائع کے مطابق پاکپتن کے مختلف محلہ جات بشارت ، جھجھرانوالہ ، پیر کوٹ،پیر سلطان ،پرانا ٹاؤن ہال ،حسن پورہ اسلام کالونی ،پیرکوٹ ،منڈی موڑ ،چراغ شا ہ قبرستان ،عید گاہ ، ڈھکی بابا فرید، محلہ فرید نگر، منڈی موڑ ، انعام آباد تھانہ صدر کے علاقہ بہرام پور، ملک پور ، کرم پور ہانس، غوث نگر، جنڈ چھینہ ،بابا شیخ جمال ،سمیت دیگر محلہ جات اور علاقوں میں منشیات فروشوں نے منشیات کی بڑی کھیپ کو خفیہ مقامات پر عید الاضحی کے تہوار پر فروخت کے لیے سٹور کرلیا ہے منشیات فروشوں نے غیر ملکی برانڈ کی بوتلوں پرلیبل لگا کر مضر صحت ناقص تیار کی گئی شراب کی خودپیکنگ کر کے فی بوتل ایک ہزار سے پانچ ہزار روپے تک ریٹ بھی مقرر کر لئے ہیں جس سے ناقص شراب پینے سے ہلاکتوں کا بھی اندیشہ ہے عوامی وسماجی حلقوں نے پولیس کی چشم پوشی اور منشیات کی سرعام فروخت پر آئی جی پنجاب سے نوٹس لینے کا مطالبہ کیا ہے۔
Leave a Reply