پاکستانی پر چم دنیا کے پر چمو ں میں سے ایک عظیم پر چم ہے :ڈسٹرکٹ انفارمیشن آفیسرکا سکول میں آزادی تقریب سے خطاب
پاکپتن(ایف یو نیوز)پاکستانی پر چم دنیا کے پر چمو ں میں سے ایک عظیم پر چم ہے، اقوام عالم میں اس کی مزید سر بلند ی کیلئے ہم سب کو مل جل کر انتھک کام کر نا ہو گا ،اس عظیم سلطنت کو حا صل کر نے کیلئے ہمارے آبا ؤ اجدا د نے شاعر مشرق علامہ محمد اقبال کے خوابوں کو تعبیردینے کیلئے قائد اعظم محمد علی جنا ح کی قیادت میں نہ صرف بیش بہا قر بانیا ں دیں بلکہ جانو ں کے نذرانے بھی پیش کیے، آزادی کی بیش بہا نعمت کی حفاظت کیلئے ہمارے آبا و اجد اد نے جو قربانیاں دی ہیں وہ ہماری تاریخ کاسنہری باب ہیں ،پاکستان کو جن مشکلات و مسائل کا سامناہے ہم سب نے متحد ہوکر ان مشکلات پر قابو پانا ہے ،ملکی ترقی و خوشحالی ،امن و بھائی چارہ کے فروغ ،دہشت گردی کے عفریت سے نمٹنے کیلئے ہمیں اختلافات کو پس پشت ڈال کر باہمی اتحاد و یگانگت کا مظاہرہ کرنا ہوگاتاکہ وطن عزیز امن و آشنی کا گہوارہ بن سکے ان خیالات کا اظہارڈسٹرکٹ انفارمیشن آفیسر سید سلمان حسین شاہ نے جشن آزادی کے موقع پرگورنمنٹ ہائی سکول میں پرچم کشائی کی تقریب سے خطاب کرتے ہوئے کیا ، تقریب میں عمائدین علاقہ ،صحافیوں ،طلباء وطالبات اور شہریوں کی کثیر تعداد موجود تھی ،پرچم کشائی کے بعد قومی ترانہ ہوا اور پولیس کے چاک وچوبند دستے نے سلامی دی ،مقررین نے کہا کہ ملک کی حفاظت اور نظریہ پاکستان کی ترویج کیلئے ہم سب مل کر کام کریں اورپاکستان سے دہشت گردی کے خاتمہ کیلئے کوئی دقیقہ فروگزاشت نہیں کریں گے مستقبل کے چیلنجوں سے نمٹنے کیلئے ہمیں بحثیت قوم منظم ہو نا ہو گااور تب ہی دہشت گر دی کے ناسور کو شکست دی جا سکے گی افواج پاکستان کے ساتھ ساتھ انٹیلی جنس ایجنسیو ں ،قا نو ن نا فذ کر نے والے دیگر ادارے بشمول پولیس بھر پو ر طریقے سے اقدمات کر رہے ہیں اورنیشنل ایکشن پلان کے ذریعے بہت جلد وطن عزیز کو امن کا گہوار بنا دیا جائے گا ، قانو ن نا فذ کرنے والے ادارے نہ صرف مستند اور چو کس ہیں بلکہ ان دہشت گردعنا صر کے خاتمہ کیلئے کومبنگ آپریشن بھی شروع کر دیا گیا ہے صحافی طاہر فریدنے خطاب کرتے ہوئے کہا کہ شعبہ تعلیم میں سرکاری اداروں کے ساتھ ساتھ معاشرہ کے سلیم العقل لو گ رول ماڈل کے طور پر کام کریں اوربدعنوانی و کرپشن کرنے والے عناصر کاخاتمہ کیا جائے،انہوں نے کہاکہ سرکاری اداروں کی کاوشیں اس صورت بہتر نتائج دے سکتی ہیں اگر معاشرہ انہیں سپورٹ کرے ،تقریب میں بچو ں نے ملی نغمے بھی پیش کیے تقریب کے آخر میں شہداء کوئٹہ ،شہداء فوج ،شہداء پولیس اور ملک ترقی و سلامتی کیلئے خصوصی دعا کی گئی۔۔۔
Leave a Reply