علاقائی ترقی و خوشحالی کا درومدار حکومتی پالیسیوں سے مربوط ترقیاتی سکیموں پر ہوتا ہے: عرفان سندھو
پاکپتن(ایف یو نیوز) علاقائی ترقی و خوشحالی کا درومدار حکومتی پالیسیوں سے مربوط ترقیاتی سکیموں پر ہوتا ہے ،ان پالیسیوں پر جس قدر عمل درآمد ہو گااور ترقیاتی کام جتنے جلد پایہ تکمیل کو پہنچیں گے علاقائی ترقی میں اس قدراضافہ ہو گا ان خیالات کا اظہار ڈی سی او عرفان احمد سندھو نے ڈسٹرکٹ کوارڈینیشن کمیٹی کے نئے مالی سال کے پہلے ماہانہ اجلاس سے خطاب کرتے ہوئے کیا ،اجلاس میں پارلیمنٹرینز کے نمائندوں میاں ذوالفقار رتھ ،چوہدری مظفر اقبال ، ای ڈی او فنانس محمد اعتزاز،ڈی او سی حامد ناصر گورایہ ،ای ڈی او ہیلتھ ڈاکٹر سراج الدین ،ای ڈی او زراعت ارشاد احمد ،ڈی ایل او ڈاکٹر لبنیٰ جبار ،اے سی عارفوالہ طارق حسین بھٹی سمیت متعلقہ اداروں کے افسران شریک تھے ، ای ڈی او فنانس محمداعتزاز نے اجلاس کو نئے مالی سال کے بجٹ کی تفصیلات سے آگاہ کیا ،ڈی سی او عرفان احمد نے اجلاس سے خطاب کرتے ہوئے کہا کہ پارلیمنٹرینز پچھلے مالی سال کے بجٹ کی سیونگ سے نئی سکیمیوں کی فہرست دیں تاکہ اس فنڈ کو استعمال میں لایا جاسکے مزید انہوں نے گزشتہ ماہ انسداد ڈینگی مہم ،انسداد کانگووائرس مہم ،ناجائز تجاوزات کے خلاف جاری کریک ڈاؤن اور عطائیوں کے خلاف جاری آپریشن سمیت عرس بابافریدؒ کے انتظامات بارے اجلاس کو تفصیلات سے آگاہ کیا۔۔۔۔۔۔
Leave a Reply