جامعہ صدیقیہ فرید نگر میں جدید کمپیوٹر لیب کا افتتاح یونیورسٹی آف لاہور اسلامک ڈیپارٹمنٹ کے ہیڈ ڈاکٹر اصغر جاوید الازہری نے کیا
پاکپتن (ایف یو نیوز) معروف دینی درسگاہ جامعہ صدیقیہ فرید نگر میں جدید کمپیوٹر لیب کا افتتاح کر دیا گیا تفصیلات کے مطابق پاکپتن کی معرف دینی درسگاہ جامعہ صدیقیہ فرید نگر میں جدید کمپیوٹر لیب کا افتتاح یونیورسٹی آف لاہور اسلامک ڈیپارٹمنٹ کے ہیڈ ڈاکٹر اصغر جاوید الازہری، حافظ اظہر اسامہ، پروفیسر حافظ طاہر المصطفے نے مذہبی سکالر مولانا زاہد اسدی، پاکستان سوشل ایسوسی ایشن کے جنرل سیکرٹری حکیم لطف اللہ کے ہمراہ کیا اس موقع پر شہری زیر تعلیم طلباء اور مختلف مکاتب فکر کے افراد کی کثیر تعداد موجود تھی اس موقع پر شرکاء سے یونیورسٹی آف لاہور اسلامک ڈیپارٹمنٹ کے ہیڈ ڈاکٹر اصغر جاوید الازہری نے خطاب کرتے ہوئے کہا کہ ادارہ میں جدید تعلیم اور کمپیوٹر ایجوکیشن کے فروغ سے دینی اداروں کا وقار مزید بلند ہوگا اور دینی طلباء ان سے بھر پور مستفید ہوں گے اس وقت یہ ضرورت شدت سے محسوس کی جارہی تھی دینی وعملی خدمات پر تعلیمی اداروں کا کردار مثالی ہوتا ہے اس کردار کو مزید نکھارنے کے لئے ہم سب کو جدو جہد کرنا ہو گی۔
Leave a Reply