پاکپتن (ایف یو نیوز) عیدا لٰضحی کے موقع پر سیکورٹی کے جامع اور فول پروف انتظامات کیے جا ئیں ، عید گاہوں،مساجد ، امام بارگاہو ں و دیگر مقامات پر ہونے والے نماز عیدا لٰضحی کے اجتماعات کی سیکورٹی سخت کی جائے ،نماز عیدا لالٰضحی کی ادائیگی کے مقامات کی جامع تلاشی اور واک تھرو گیٹس کے استعمال کو یقینی بنایا جائے ، ضلعی انتظامیہ کے افسران ،محکمہ پولیس ، محکمہ ریونیو سمیت دیگر متعلقہ ادارو ں کے افسران عیدا لٰضحی کے ایام میں امن و امان کی صورتحال کو برقرار رکھتے ہو ئے اپنی ذمہ داریاں مو ثر طریقے سے انجام دیں ، محکمہ پولیس عیدالضحی کے ایام میں گشت کے نظام کو بہتر بنائے ، تمام متعلقہ اداروں کے افسران اپنے اپنے دائرہ کار میں کسی بھی ناگہانی صورتحال کے تناظر میں عوام کو فوری ریلیف کی فراہمی کو یقینی بنانے کیلئے ممکنہ اقدامات کریں ، ان خیالات کا اظہار ڈی سی او عرفان احمد سندھو نے عیدا لالٰضحی کے سلسلہ میں امن و امان ، صفائی ستھر ائی کے انتظامات کرنے کے سلسلہ میں بلائے گئے اجلاس کی صدارت کرتے ہوئے کیا ، اجلاس میں ایڈیشنل ڈسٹرکٹ کلکٹر عارف عمر عزیز ، اسسٹنٹ کمشنر پاکپتن اشفاق الر حمن ، اسسٹنٹ کمشنر عارفو الاعدنان آفریدی ، ڈی آئی او سید سلمان حسین ، ڈی ایس پی صدر و ہیڈ کو اٹر ہمایوں افتخار، ای ڈی او ہیلتھ ڈاکٹر سرا ج الدین شاد، ٹی ایم او پاکپتن ملک جاوید اسلم ، ٹی ایم او عارفوالا نا صر نعمان شاہ ، سمیت دیگر متعلقہ ادارو ں کے افسران بھی مو جو د تھے ، ڈی سی او عرفان احمد سندھو نے کہا کہ عید الضحی کے ایام مختلف اقسام کی بیماریوں کے پھیلنے کا خدشہ ہوتا ہے اس سلسلہ میں محکمہ صحت کے حکام مریضوں کو علاج معالجہ کی بہترین سہولیات مہیا کریں ، انہو ں نے کہا کہ ٹی ایم اے پاکپتن و عارفوالا قربانی کے جانوروں کی آلائشو ں کو ٹھکانے لگانے کیلئے مناسب بندو بست کریں اور اس بات کو یقینی بنائیں کہ گلیاں، محلے جانوروں کے فضلے سے خراب نہ ہو ں ، عوام جر اثیم اور ما حول کی آلود گی سے محفو ظ رہیں، ٹی ایم اے قر بانی کے جانورو ں کی فضلے کو ٹھکانے لگانے کیلئے بھی جامع اقدامات کریں ،عوام کو ہر ممکن سہولیات مہیا کرنا تمام ادارو ں کے افسران کی ذمہ داری ہے ۔
