پاکپتن (ایف یو نیوز) ہم سے پوچھے بغیر شادی کیوں کی ،جاگیرداروں نے دورانِ شادی نکاح پڑھتی ہوئی دلہن سمیت محنت کش کی دو بیٹیا ں اغوا کر لیں ،ماں کی متعلقہ تھانے جا کر بازیابی کی استدعا کرنے پر مدعیہ حوالات میں بند جبکہ ملزمان آزادکر دیئے گئے،ذرائع کے مطابق نواحی گاؤں 76ڈی کی رہائشی محنت کش خاتون بی بی اپنے گاؤں کے وڈیروں سے پوچھے بغیر بیٹی کی شادی کر رہی تھی جوکہ گاؤں کے جاگیرداروں میاں صادق اور نیکاوغیرہ کو ناگوار گزری اور انہوں نے جب بارات آگئی تو اچانک گھر پر دھاوا بول کر دورانِ نکاح عروسی کے جوڑے میں دلہن بنے بیٹھی بیٹی سمیت دو بچیاں اغوا کرلیں،جن کی بازیابی کیلئے اِن کی ماں فریاد لئے جب تھانہ ملکہ ہانس پہنچی تو پولیس نے ملزمان پکڑنے کی بجائے اِسے ہی حوالات میں ڈال دیا جہاں پر وہ پولیس کونذرانہ دے کر رہا ہوتے ہی ڈی پی اوآفس پہنچ گئی مگر شنوائی وہاں بھی نہ ہوسکی ہے ،جس پر متاثرہ خاتون نے اپنے رشتہ داروں کے ہمراہ شدید احتجاج کرتے ہوئے اربابِ اختیار سے فی الفور نوٹس کا مطالبہ کیا ہے۔
