گوالے گائے بھینسوں کو بوسٹن اور سوماٹیک ہارمونزکے ٹیکے لگا کر زندگیوں سے کھیل رہے ہیں

فاروق آباد (سٹاف رپورٹر)فاروق آباد اور گردوانوح میں گوالے دودھ کی زیادہ پیداوار کیلئے گائے بھینسوں کو بوسٹن اور سوماٹیک ہارمونزکے ٹیکے لگا کر انسانوں اور جانوروں کی زندگیوں سے کھیل رہے ہیں ،ڈی سی او شیخوپورہ سے اصلاح واحوال کا مطالبہ، بتایا گیا ہے کہ فاروق آباد اور قریبی دیہاتوں سے شہر میں مضر صحت دودھ کی سپلائی ہورہی ہے گوالے دودھ کی زیادہ پیداوار کیلئے اپنے جانوروں کو بوسٹن
boostin
اور سوماٹیک
somatech
ہارمونزکے ٹیکے لگاتے ہیں ان ٹیکہ جات سے پیدا کردہ دودھ انسانوں میں کینسر قبل ازوقت بلوغت جبکہ جانوروں میں اسقاط حمل /حمل نہ ٹہرنااور مسٹائٹس جیسے موذی امراض کا باعث بن رہا ہے جبکہ دنیا بھر میں یہ ہارمونزکے ٹیکہ جات ممنوع قرار دیے جا چکے ہیں اورپنجاب حکومت نے بھی ان ٹیکوں کی درآمد و فروخت، اس کے سٹاک و ترسیل اور اس کے استعمال پر پابندی عائد کر رکھی ہے لیکن فاروق آباد اور گرد ونواح میں کھلے عام ان ٹیکوں کا استعمال جاری ہے جو کہ ہمارے اور ہماری آنے والی نسلوں کے لئے خطرناک ہے شہریوں نے ڈی سی او شیخوپورہ سے اپیل کی ہے کہ اس گھناؤنے کاروبار میں ملوث دودھ فروشوں اور گوالوں کے خلاف بلا تفریق سخت کاروائی کر کے آنے والی نسلوں پر احسان کیا جائے۔